Сочинение на ханты языке. Тема:"Овкурт элты ясан туты хоятат /Люди, прославившие малую родину/"

Муниципальное бюджетное образовательное учреждение «Овгортская общеобразовательная школа-интернат среднего (полного) общего образования»

629643, ЯНАО,  Шурышкарский район, п. Овгорт,

 ул. Кооперативная – 5

Сочинение  на родном (ханты) языке

Овкурт элты ясан туты хоятат

/Люди, прославившие малую родину/

                  Автор:  Куртямова Мария Артёмовна ,  ученица 6 б  класса

Руководитель:  Вальгамова Н. Д.,

учитель  родного языка и  КНЯ

Овгорт, 2014 г.

Овкурт элты ясан туты хоятат

        Хой ипуш Овкурта ёхатал, щит  лувел ант ёрэмалы. Ма ланхалаям потарты, хоты ма  Овкурт вошем тыяс па муй хорпи каркам, ошан, хорам хоятат усат па уллат, па хоты лув вошев элты ям ясан тулат.

      Щи верат усат и щёрас нийлсот яртянсот ветмет талан. Щаня ёхан хуват хоран кайкан  семьяйел пилн Антип Муркин манас. Етная ийс,Антип вантыял ёхан питар пела. Ёхан питар хуват  пал нанкат, хулат,ушет,сумтат лойлат. Манты лотэлн ёхан кат пелка манал .Щит ус кант ёхан ов –Щаня ехан па Нёсъёхан.Лув самала рахас щимащ умащ лот. Там  ёхан питара лув тонты хот лонщас. Щи пора элты лув тата питас улты. Аялта па  хоятат питсат ёхатты. Щи вер хуван ус- ин Овкурта сот ярхус тал. Тата ул щёрас молтас хоят.

           Ин мун Овкуртэван ул арсыр хоят. Лув рупитлат хул велман,тащ шавиман,   леккар  хотан,уталтыты  хотан, ай няврэм шавиты хотан.  Лув  туна- щира уллат. Мун вошеван сэма питсат миран уяты хоятат. Хой ин мун Ямал мувеван ант  уятал хор верты нэ,тус хорам луматты сох верты нэ? Щит тылтам нэ  Талигина Надежда Михайловна.Лув сэма питас Тылтам куртан. Овкуртан уталтыяс. Ай тэлан  ланхас умащ хор ханшты. Ханшам хорлалан мун мошталэв сэма питам вош хоятлал,яма  хул па вой велам хоятлал.Лув ханшам хорлал, лув ёнтам хорам ханшан луматты сохлал па хоната упщалыты па вантаты тутлилаят.

     Мун вошеван сэма питас Раиса Романовна Скамейко (Шиянова).Лув энмас ун семьяейн, антела-ащела ай тэлн яма нётас. Лув ханты ясан учебникат ханшам нэ. Лув ар нэпек ханшас, хоты мосал уталтыты ханты ясан, хун ай няврэмие  ёхтас уталтытыя.

      Овкуртан хув уталтыты нэна рупитас Тыликова Елена Ильинична. Лув уталтаты нявремат пилан Щяня ёхан хуват нохлы пела янхас катра ис хоятат таям сохат па пормасат музей уранан каншас. Кашан няврэм анкилал-ащилал элты катра йис пормасат тус.Масаят сунатан, юх анатан, сахан ,нюки ваятан па па пормасатан.Елена Ильинична музей вера шек ар юр понас. Там пормасат ин вантты хоята умащ.Там йисан па хон элты мойн хоятат ёхтылылат па музей элты ишакты ясан ясталат.

         Мун нявремат нуман тайлалув  там миран уяты хоятат. Лув Овкурт вошев нэм  хоятата мув хуват тусат. Мунев ищи еллы пела ям ясан вошиев элты мосал туты.