"Моё первое пёрышко" деп конкурска уругларнын ажылдары

Челер-Шилгим

Челер-Шилгим  маӊы дүрген

Чечек сырын хадый берди.

Чалгаа эвес, шушпеӊ эвес

Чарыштарга мунар аъдым.

Арттар бедиин тура челзир

Аксы чымчак чааш аъдым.

Амыр эвес салыын манаар

Алдарлыг ат эккээр аъдым.

Дүнчүн Түмен Төмүрович, 6 «б» класс, Муниципалдыг бюджеттиг өөредилге чери Бай-Тал ортумак школазы. Чурттап турар адрези: Бай-Тал суур, Мира кудумчузу, бажыӊ дугаары 21 квартира 2

Чуруттунарынга, спортка, шүлүк чогаадырынга ынак.

Шагаа хуну.

Аккыр сүдүн, шайын чажып,

Ада кижи саӊын салыр.

Аяк-шайын аартап ижип,

Аъш-чемин делгеп салыр.

       Тевек, кажык, даалы ойнап,

      Девиржиткен аъдын мунар.

      Одаг-ожуун отчуткаштыӊ

      Оюн-тоглаа хондур болур.

Үүжезин бузуп  алгаш,

Үс-чаг, эътти долдур дүлер.

Тыва чоннуӊ байырлалы

Тывызыксыг Шагаам ол-дур.

Очур-оол Айыжы Шолбанович, 6 «б» класс

Айым.

Сылдыстарым четчи берди

Сыыладыр чүгүрер-даа.

Айым чартыы чиде берген

Ажырбас деп бодап кагдым.

Бөмбүк ышкаш төгериктей

Бөмбүрзекти чырыда бээр.

Бүргег хүнде чашты кааптар

Бүдүү тенек айым болду.

Очур-оол Айыжы Шолбанович, 6 «б» класс, Муниципалдыг бюджеттиг өөредилге чери Бай-Тал ортумак школазы. Чурттап турар адрези: Бай-Тал суур, Мөӊгүлек кудумчузу, бажыӊ дугаары 96

Чуруттунарынга, спортка, шүлүк чогаадырынга ынак.

Дуӊмам.

Дуӊмам ады Шагаана

Дузааргакпай эреспей.

Шагаа айы үнүп турда,

Шаӊнал кылдыр төрүттунген.

Акылары бистерни

Ажыр санааш амыраар.

Ырлаар, самнаар, шулуктээр

Ынак дунмам Шагаана.

Анай бажы дозуптар

Ажылгыр-ла дунмам-дыр.

Авазынга дузалыг

Аажок кежээ үрен боор.

Эрелчин Адар Борбак-оолович,6 «а»класс

Сүрбүзүнүм.

Ада-өгбем шаандан тура

Арбын малын одарладыр

Авам, ачам малын малдаан

Аажок чараш Сүрбүзүнүм.

Чайынналган меӊги дожу

Чанывыста ырак эвес.

Кушкаштарныӊ хөглүг ыры

Куттулуп кээр Сүрбүзүнүм.

Чалымнарда чуӊма,элик

Чайлаавысты харап турар.

Чуртум болган эргим черим –

Чурумалдыг  Сүрбүзүнүм.

Эрелчин Адар Борбак-оолович, 6 «а» класс, Муниципалдыг бюджеттиг ооредилге чери Бай-Тал ортумак школазы. Чурттап турар адрези: Бай-Тал суур, Константин Тоюӊ кудумчузу, бажын дугаары 39

Мал-маганга, аътка, хоккей оюнун сонуургаар.

Чайлаам.

Оргу-дески чараш чайлаам

Оргулашка ойнап өстүм.

Кылаӊ хемниг, элбек оъттуг

Кырган-авам чурту чуве.

Арысканда, Мойналыкта

Аӊы-меӊи таваар оъттаан

Аргазында эжеш куштар

Аян ырын ырлашкылаар.

Мөӊге турар шиви, пөжү

Мөгейген дег саглаӊнашкан.

Кады, тооруу элбек унер

Кайгамчык бай Оргулажым.

Байыс Айдыс Артышович, 6 «б» класс,

Муниципалдыг бюджеттиг өөредилге чери Бай-Тал ортумак школазы. Чурттап турар адрези: Бай-Тал суур, Константин Тоюӊ кудумчузу, бажыӊ дугаары 24 кв. 2

Спортка, шулук шенеп бижииринге, ырлаарынга ынак.

                                  Бай-ла-Тайгам ыдык чуртум.

«Баарынга байлар хонгаш,

Байып чурттап чораан-дыр» - деп,

Ыры-сөске чонум алгаан,

Ылап чараш Бай-ла-Тайгам.

        Төөгүнүӊ арыннарын

        Төрел-чону сактып чоруур.

        Уран-шевер усчуларныӊ,

        Улуг чурту Бай-ла-Тайгам.

                                Байыс Айдыс Артышович, 6 «б» класс.

Тывамга йөрээл.

        Эгээртинмес байлак оран,

        Эртинелиг Тывам-дыр сен.

        Эрте шагдан тыва чоннуӊ

        Эргий чурттаан ыдыы-дыр сен.

                                Азия диптиӊ чурээ-дир деп,

                                Аалчы чону мактап чанар,

                                Алдар-адын сыкпайн чоруур

                                Ажыл-ишчи чоннуг-дур сен.

        Чолу бедик чорзун дээштиӊ

        Чонум, Тывам карактап чор.

        Шыгжамырын узуп төтпес,

        Шынап чараш Тывам-дыр сен.

Чулдум-оол Чайзат Мергеновна, 6 «б» класс

       Хемчиим чараш.

                Хемниӊ уну чаакталган

                Хемчиим үнү кыӊгырт кынган.

                Өгбелерим чурттап өскен –

                Өндүр ынак Хемчиим чараш.

                Чайны өттүр эжим-өөрүм

                Чалгааравас эштип ойнаар.

                Балык-байлаӊ чемнеп шураан,

                Байлак чуртум Хемчии чараш.

Чулдум-оол Чайзат Мергеновна, 6 «б» класс,

Муниципалдыг бюджеттиг өөредилге чери Бай-Тал ортумак школазы. Чурттап турар адрези: Бай-Тал суур, Константин Тоюӊ кудумчузу, бажыӊ дугаары 44 кв. 2

Чуруттунарынга, аргыттынар, дааранырынга ынак.

Чуртум алгаайн.

        Дээлдиген, эзир кужум

        Дээринде таваар ушкан.

        Дыка чараш өргээвис деп,

        Тывамны мен мактап ырлаайн.

Аржаан-дому чонун эмнээр,

Арыг агаар айдызалган,

Дажыг хемниг, даглыг чуртум

Тывамга мен шүлүүм сөӊнээйн.

        Кужурзураан малы долган

        Курай ырын чону ырлаан.

        Кончуг чараш эртинем деп,

        Хөӊнумден мен чуртум алгаайн.

Хертек Лилия Юрьевна, 7 «б» класс,

Муниципалдыг бюджеттиг өөредилге чери Бай-Тал ортумак школазы. Чурттап турар адрези: Бай-Тал суур, Дружба кудумчузу, бажыӊ дугаары 68, Чуруттунарынга, аргыттынарынга, амданныг чем кылырынга  ынак.

Бойдузувус камнаалынар.

Чаашкын соонда чечектерниӊ

Чаагай чыды айдызаар.

Шиник хептиг ховаганнар,

Шиилээн ары ужуп ойнаар.

Сарыг буру саарлып ойнаар,

Саргыл оннуг хевин кедер.

Бойдузувус ындыг онза,

Бодап четпес хуулгаазынныг.

Тывавыстын ажык байлаа

Тынып ханмас агаарында

Тынгарыкчы эмниг-домнуг

Тывызыксыг аржаанында.

Уран-каазын магадаалы,

Улуг, биче камныг болуул.

Аракчаа Айнагуль Адыгжыевна, 7 «б» класс,

Муниципалдыг бюджеттиг өөредилге чери Бай-Тал ортумак школазы. Чурттап турар адрези: Бай-Тал суур, Монгулек  кудумчузу, бажыӊ дугаары 74,

Чуруттунарынга, аргыттынарынга  ынак.

Муниципалдыг бюджеттиг өөредилге чери Бай-Тал ортумак школазы.