Сочинение "Ах, бу көз!"

Аһ, бу көз!

           Табигать һәрвакыт үзгәрештә. Иң зур үзгәреш− ел фасыллары алмашыну. Шулар арасында көз − иң матуры.  Көз айларында урманар аеруча сихри матурлыкка күмелә. Агачлар сары, кызыл төстәге яфраклар белән бизәлгән. Көзге җил агачларның  яфракларын җиргә коя, җир өстенә яфраклардан төрле төстәге йомшак юрган түшәлә.  Агач төпләрендә кечкенә гөмбәләр  күренә. Җәнлекләр аларны җыеп үзләренә кышка ризык  туплап салкын кышны каршыларга әзерләнәләр. Күктә җепкә тезелеп кыр үрдәкләре, торналар, саубуллашып, җылы якка очалар. Аһ,бу көз! Мин алтын көзне бик яратам!