Сыбзэ — сибайныгъ

МБОУ СОШ № 9

Сочинение

темэр:

«Сыбзэ — сибайныгъ»

Зытхыгъэр:

к1элэеджак1оу

я- 11-рэ классым исэу

Хьэмыкъо Аслъэн

К1элэегъаджэр:

Хьэмдэхъу Ф. С.

2013

                                      Убзэ зыпш1ок1одырэм

                                                          Уянэ пш1ок1одыгъ.

                                                          Ар къызгурымы1орэм

                                                          Ыпсэ аритыгъ.

                                                          Шъоум фэд сыбзэ,

                                                          Сян адыгабзэр,

                                                          Сят адыгабзэр,

                                                          Сыда п1омэ – тыпсэ.

                                                                          Нэхэе Руслъан.

       Хэтрэ ц1ыф лъэпкъи ежь иеу бзэ и1. Ар идах, илъап1, идунай. Поэтэу Мэщбэш1э Исхъакъ мырэущтэу ытхыгъ:

            Мы дунай нэфым апэрэ псалъэр

             Щыщы сфэзыш1ыгъэр синэдэлъфыбз….

      Ныдэлъфыбзэр ным ибыдзыщэ игъусэу ц1ыфым ыпкъынэ – лынэ хахьэ, зэлъек1у. Ныдэлъфыбзэр о къыхэпхынэу щытэп. Ар уянэ ыбз, уятэ ыбз, узыщыщ ц1ыф лъэпкъым ыбз. Ылъэпкъырэ ыбзэрэ афыри1э ш1улъэгъур хэтрэ ц1ыфи ищы1эныгъэк1э лъэпсэ пытэу щыт. Нахьыжъхэм а1о: «Бзэ зимы1эм лъэпкъ и1эп. Ныдэлъфыбзэр лъэпкъыбз». А.Н.Толстоим ы1огъагъ: «Бзэр ц1ыф лъэпкъым ыгу.»

     Тиныдэлъфыбзэ иамалхэр мак1эхэу, тхьамык1эу къызыш1ош1ырэ зырызхэр щы1эх. Ащ фэдэмэ адиштэрэп поэтэу  1эш1ынэ Хьазрэт. Ащ занк1эу упч1э къегъэуцу:

            Хэта зы1уагъэр тыбзэ тхьамык1эу,

            Тыгум ихъык1ырэр фызэмыгъэк1оу?!

А упч1эм иджэуапи нафэу къыретыжьы:

            Жабзэ п1улъмэ, бэ къырып1онэу

            Ти1 адыгабзэ, зыми хэмык1уак1эу.

    Бзэр 1эпы1эгъу къысфэхъоу, сш1оигъор, сыгу ихъык1ырэр жэры1уабзэк1э е тхыгъэк1э къэсэ1о. Нахьыжъхэм  ш1эныгъэу а1эк1элъыр тэ къытлъагъэ1асы. Ц1ыфхэр зэдэгущы1энымк1э, дунаеу тызытетыр къыдгуры1онымк1э, ш1эныгъак1эхэр дгъотынымк1э бзэр амалыш1оу щыт. Ащ фэдэ амалыш1оу тэ ти1эр адыгабзэр ары.

     Адыгабзэр гущы1эхэмк1и шъуашэхэмк1и бай дэд. Угу ыхъык1и, гупшысэу уи1и, дунаим изытети къырип1отык1ынэу ащ амал 1эк1элъ.

    Сыдрэ культурэми бзэр илъапс. Ц1ыфэу зикультурэ иным ыбзэ дэгъоу еш1э. Иныдэлъфыбзэ ымыш1эрэмэ, ащ ыгуи икультури ц1ык1у. Ащ фэдэм зи ымыгъэлъап1эу нахьыбэрэмк1э мэхъу. Арэу зыхъук1э, хэгъэгоу зэрысымк1э осэ хъатэ и1эп. Урыс писателэу К.Г.Паустовскэм мырэущтэу ытхыгъ: «Хэтрэ ц1ыфи ежь ыбзэ фыщытык1эу фири1эм укъыпкъырык1зэ, ухэмыукъуахэу къэп1он плъэк1ыщт ащ икультурэ зынэсрэм имызакъоу, ащ ежь гражданинэу зэрэщытым елъытыгъэк1э уасэу и1эри. Убзэ ш1у умылъэгъоу уихэгъэгу ш1у плъэгъун плъэк1ыщтэп».

      Бзэр зэк1эми зэдыряй, ау зэк1эмэ зэфэдэу агъэфедэн алъэк1ырэп. Зым игущы1э чатэм фэдэу егъабзэ, адырэм ыгу ш1оу илъыр къыфэмы1ошъурэм къыхэк1эу, зидахэ ы1о ш1оигъом ыгу хегъэк1ы, зэгуао ш1оигъом гуао щыхъурэп. К1эк1эу къэп1он хъумэ, уигущы1э тхьаркъожъ тхьапэ пхыриутырэп.

    Ылъэпкърэ ыбзэрэ афыри1эрэ ш1улъэгъур ц1ыфым ищы1эныгъэк1э лъапсэ фэхъу.

    Ц1ыф лъэпкъым ик1уач1э ныдэлъфыбзэми ык1уач1, ныдэлъфыбзэм иамалхэр ц1ыф лъэпкъым и1ашэх.