Лоны эсько президентон

Мыйла ме кöсъя лоны   президентöн?.

(Ичöт нывкалöн ыджыд олöм мытшöдъяс йылысь мöвпалана гижöд)

Президент- тайö зэв ыджыд да кывкутана удж.Президентöн лоны кöсйоны унаон, но оз быдöн шогмы.Тані колö лоны медся сюсь да писькöс, бур тöдöмлуна да авъя йöз.Ме öні бура велöдча, сэсся босьта бур образование, велöдча уджавны йöзкöд да кута вöзйысьны тайö пост вылас, мед отсавны тшöтш и аслам ичöт рöдиналы.

Ме кö лоа президентöн, медводз ог лэдз кусны коми да мукöд ичöт народлöн кывъяслы. Мед сöвмöны водзö.Öд тайö мам кыв.

Ас чужан му вылын,

Гöсьтон ог лыддьысь,

Чужан кыв миянлысь,

Чужан кыв миянлысь

Некод оз мырддьы!

Коми – менам чужан кыв.Сійö медся дона да сöстöм.А кутшöм сьöлöм вöрзьöданаöсь коми кывбур-сьыланкывъяс.Ачыд сьылан, а сьöлöмыд ыркъялö и лолыд радлö.Менö гöгöрвоас сійö,коді ичöтсянь ме моз жö сцена вылын.Ме кута пыр тэнö лелькуйтны-видзны, некор тэысь ог янав, чужан коми кывйой. Ме-коми сиктын чужöм нывка!

Юöм… Ёна паськалöма сійö сикт-грездын. Страшнöй серпас.Коді таысь мыжаыс? Вина юысь али вузасьысь? Оз повны некутшом законысь,öтарö паськöдöны «виж бугыля сьöкыд висьöмсö» Колö лöсьöдны сэтшöм закон, мед йöзыслы аслыныс вöлі выгоднö дугдыны юöмысь. Мöд ног кö, быд ног ошкыны- кыпöдны садя олысь войтырöс. Кыдз президент,ме кута уджавны та вылын.Мед оз бöрдны юысь бать-мамлон шудтöм челядь.

Уджтöмалöм да гусясьöм паськалома коми сиктъясын. Удж, сöмын  сьöлöм серти удж вермас дорйыны том йöзöс лёк олöмысь.Сы вöсна сиктын колö не сöмын бур школа, но и мед челядь сэні жö вермисны босьтны и колана профессия. Сетны  став позянлун сиктса челядьлы бура велöдчöм могысь-менам мог.

Киссьöма совхоз.Гогöр эндöма му-видз.Тупкысьö садик да школа…Миян Пожöгдінысь начальнöй щкола тупкисны жö.Пожöгö котралім. Экономитöны сикт вылын, тупкöны водзö олöмсö. Ми том йöзкöд лöсьöдам проект сикт сöвмöдöм йылысь.Кутам öтув уджавны сиктса йозкöд.

Вöр..Абу тай помтöм вöлöма. Тшыкöдісы, пежалісны,нуисны.Чужан вöр-валысь аслыспöлöс мичсö мырддисны. Колö ставсö выль ног  вöчны.Садитны- быдтыны пöрöдöмсö.

Миянос озырöн шуöны,

Шаньöсь пö комияс,дольöны,

Кытчöкö ставсö дзик нуöны,

Лопсö да паличсö кольöны…..

Олöма йöз жальоöь.Пöль-пöчлöн висьталöм серти, нэм чöж пö вöчим сьöд удж, а пенсияныс овны оз тырмы.Эз öмöй найö миянлы Победасö вайны? Кодъяс нö эськö сэсся ми, ог кö найöс пыдди пуктöй?

Ме кö лоа президентöн, торйöн тайо мытшöдъяс вылас сувтла.Мед öтсöгласöн оліс став Му шар вылын олысьыс, медводз горт-странаын пелькöдчам. Ок, сьöкыд, тыдалö, президентлöн нопйыс! Но ме видла.Бöръянныд кö..