заметка в газету Танаш

Эпир Елчĕк районĕнчи Шăмалакри тĕп шкулта 9-мĕш класра вĕренетпĕр. Пирĕн класра пурĕ 9 ача. Кăçалхи вĕренÿ çулĕ пуçламăшĕнче пирĕн класс йышне кÿршĕ ялти Яманчÿрел ачисем те хутшăнчеç. Вĕренÿре те обществăлла ĕçре те хастар пирĕн туслă класс. Тĕрлĕрен олимпиада-конкурссене хутшăнса эпир хамăр пĕлĕве тата тавра курма  анлăлататпăр, час-часах малти вырăнсене йышăнатпăр. Сăмахран, пĕлтĕр район шайĕче иртнĕ «Çĕнĕ çул теттисем» конкурсра 3-мĕш вырăн йышăнтăмăр, кăçал  шкулти баскетбол турнирĕнче Хĕл мучин  тĕп парнине илме тивĕçлĕ пултăмăр, Сывлăх кунĕнче те  ытти командăсене çĕнтертĕмĕр.

 Пирĕн хушăра  районти предмет олимпиадисенче çĕнтернĕ ачасем те пур. Акă Таня Егорова нимĕç чĕлхипе, Анастасия Сергеева вырăс литературипе 3-мĕш вырăн йышăнчĕç. Рома Фадеев, Саша Яковлев, Таня Егорова  Раççей тата республикă шайĕнче итртекен инçет олмипиадисенче пĕрре мар малтисен шутĕнче пулчĕç  Эпир вĕсемпе мăнаçланатпăр, мухтанатпăр. Пирĕн класс спортпа та туслă. Районта иртекен ăмăртусене ытларах Тарасова Валентина,Львов Евгений тата Павел Васильев хутшăнаççĕ. Вĕсенчен ытти ачасем те юласшăнах мар. Марина Лисова  шкулти  пултаруллăх каçĕсене ертсе пыма ăста, Даша Клементьева  вара классри тирпей-илемшĕн тăрăшать.

Пирĕн класс тулашĕнчи пурнăç интереслĕ  те усăллă иртет. Нарăс уйăхĕнче эпир студентсемпе, кÿршĕ Лаш- Таяпа ялĕчи 9-мĕш классемпе тĕл пулусем ирттертĕмĕр. Çакăшăн эпир класс ертÿçине тав тăвасшăн. Пирĕн класс ертÿçи Светлана Владимировна Яковлева пултаруллă та хастар педагог. Вăл шкулта  физика предметне ертсе пырать. Кăсăклă мероприятисем ирттернĕ май вăл пире ырă кăмăллă, ĕçчен, тăрăшуллă пулма вĕрентет.

Эпир класĕпех хаçат-жунарнал вулама та килĕштеретпĕр. Пирĕн юратнă хаçат –«Тантăш». Пĕлтĕр «Пĕтĕм класпа – Пăлхара!» акцие хутшăнтăмăр,  класĕпех «Тантăш» хаçат тата «Теттепе» «Самант» журналсене çырăнтăмăр. Светлана Владимировна хай те тĕрлĕрен хаçат-журнал çырăнса илет. 2011- мĕш çулта «Тантăш», «Самант», «Тетте» çырăнса илекенсем хушшинче ирттернĕ вылявра вăл çĕнтерÿçĕ пулса тăчĕ, велосипед илме тивĕçлĕ пулчĕ.

Малашне те эпир, кирек ăçта пулсан та, хамăр хушăри туслăха çухатасшăн мар. «Тантăш» хаçатпа та çыхăну тытсах тăрасшăн.

Елчĕк районĕ, Шăмалак, 9-мĕш класс