Вложение | Размер |
---|---|
![]() | 16.8 КБ |
Дугарова Аяна, 6 «а» класс, багша: Мункуева М.Б.
Мүнхэ дурасхалай хүшөө
Эсэгэ Ороноо хамгаалгын агууехэ дайнай үнгэрhөөр аяар далан табан жэл болобо. Дайнай һүүлээр хэды саг үнгэрбэшье, мүнөө хүрэтэр тэрэнэй сууряан зэдэлһээр. Үнгэрһэн зун аба эжытэеэ Ага нютагаар айлшалжа ябахадаа, хүшөөгэй хажууда ерэбэбди. Сагаан шулуугаар ябталжа бодхоогдоһон мүнхэ дурасхаалай хүшөө ехэ томо юм. “Манай Агын тойрогһоо таба мянга найман зуун жаран хүн дайнда мордоһон байна. Тэдэнэй хоёр мянга долоон зуун ерэн гурбаниинь гэдэргээ бусаагүй”,-гэжэ абамни хөөрэбэ. Дайнда унаһан сэрэгшэ хүбүүдтээ дурасхаалай хүшөө мүнхэлэн бодхоогдожо, хоёр мянга табан оной майн юһэндэ нээгдээ юм. Хүшөөгэй автор суута архитектор Александр Васильевич Анискин болоно. Буугай гурбан үзүүр –Агын, Могойтын ба Дулдаргын аймагудые харуулһан түүхэтэй. Энэ мүнхэ дурасхаалай хүшөөгэй үндэрынь гушан зургаан метр болоно. Хүшөөгэй талмай дээрэ элдэб дайшалхы техникэнүүд байна: баруун таладань БМП-2 и БТР-дала танкнууд, харин зүүн таладань далан табан мм калибртай үхэр буу (пушка) табяатай. Зүүн-хойто таладань хара мрамораар хэгдэһэн самбарнуудай хана байна. Энэ самбарнуудта дайнда унаһан сэрэгшэдэй нэрэнүүд мүнхэлөөтэй. Бидэ эдэ нэрэнүүдые уншабабди. «Шинии элинсэг аба Нордопов Цыдып Дагбаевич дайнай һүүлээр гэртээ Зүдхэли нютагаа бусаха хубитай байшоо”,- гэжэ абамни хэлэбэ. Барельеф дээрэ (Базар Ринчино, Александр Парадович, Бадмы Жабон, Андрей Днепровский, Алдар Цыденжапов) Агын тойрогой алдар солото Советскэ Союзай ба Россиин геройнуудай нэрэнүүд бэшээтэй.
-Басагамни, хадуужа аба! Хэзээдэшье мартажа болохогүй, мэдэ!-гэжэ абамни хэлэбэ.
Айл бүлэ бүхэн эрэлхэг сэрэгшэдээ һанажа ябахамнай болтогой!Юуншье мартагдахагүй, хэншье мартагдахагүй!
Филимоновская игрушка
Под парусами
Усатый нянь
Машенька - ветреные косы
Композитор Алексей Рыбников