Минии элинсэг аба, ветеран Раднаев Дамбарабжа Раднавич

Белобородов Александр, 11-дэхи классай հурагша, багша: Мункуева М.Б.

Фашистнуудтай дайнда Илалта туйлаһанһаа хойшо 75 жэл үнгэрөө, олон олон залуу хүбүүд басагадай баатаршалгын, зоригтой, зүрхэтэй байһанһаань Илалта туйлагдаа. Тэдэнэй дунда Илалта шэрээлсэհэн минии элинсэг аба, ветеран  Раднаев Дамбарабжа Раднавич болоно.

Минии элинсэг аба Раднаев Дамбарабжа Раднавич 1909  (мянга юhэн зуун ерэ юհэн) ондо тэрэ үедэ Мухаршэбэрэй аймагай Шанага нютагта түрэհэн юм. Минии элинсэг абын залуу наհаниининь эбтэй эетэй хамтын ажал байгуулгын хаհада дайралдаа. Дамбарабжа Раднаевич комсомолец боложо, комсомолнуудай бүлгэмэй секретарь болоо. Колхозой бригадираар хүдэлөө, бүхы сэдьхэл зүрхөөрөө хамтын ажалда хүдэлжэ, колхоозоо хүгжөөлсэжэ байхадань, 1941 оной июниин  22-то фашис Германи добтолон ороhон байна. 1941 оной июлиин 25 –да минии элинсэг аба Эхэ ороноо хамгаалхаяа  фронт мордоհон байна. Элинсэг абамни дайнай хүшэр хүндые бэе дээрээ үзэһэн байна. Эгээл аюултай хүшэр хүндэ сагта Коммунис партиин гэшүүн боложо, ротынгоо партиин бүлгэмэй секретаряар олон жэлдэ ябаа. Дайнда  баатарлиг ябадал  гаргажа, фашистнуудые сохихо  гэжэ бүхы шадалаа дайлалдаհан юм.  Агууехэ дайнай түрүүшын үдэрհөө эхилжэ, милитарис Япон сэрэгые бута сохитороо элинсэг абамни сэрэгэй албанда ябаа. Элинсэг абамни 1945 оной майн 9-дэ Илалта  тэмдэглэхэ аза талаантай байшоо. Дайшалхы олон медальнуудтай амиды мэндэ гэртээ бусаհан юм. Дайнհаа бусаад, хамсыгаа шуужа, хүдөөгэйнгөө хара ажалда оролсожо, хүдөө ажахыгаа հэргээлсээ. Таряан ажалай бригадираар, кохозой парторгоор хүдэлөө. Шанагын Сомоной соведэй түрүүлэгшэ болоод, 1949 ондо Буряад Автономито Совет Социалис Республикын хүдөөгэй Сомоной соведэй түрүүлэгшэдэй суглаанда хабаадаа. Элинсэг абамни гэнтын аюулհаа наհа бараа. Дайсанаа дараад ерэհэн аад, амгалан тайбан нютагтаа үбгэн баабай боложо հууха аргагүй байհаниинь харамтай. Хайрата элинсэг эсэгэдэмни – хэтын хэтэдэ мүнхэ алдар!