Эссэ на хантыйском языке "Ясанг -нэнгхэт лыл"

Ясаӈ- нэӈхэт лыл

Ясаӈ сэӈк нэӈхы хося масл. Касаӈ нэӈхэт лув рот ясаӈ таял, щи ясаӈ щиты манл. Хунты нэӈхы кат па каман хорпи рот ясаӈ ощл ки, лув ямас холлалы па масталлы. Щи ясӈат и хорпет ант оллат-русь па ханты. Касаӈ щи ясаӈ там мур олапсы пуслаллы.

 Айяӈ нэӈхы, хой лув рот ясӈал ощл. Щиты манэм ям, ма ощлэм па потарлам ма ханты ясӈемна! Катра хорас ханты ясаӈ амэмна манэм миилыслы. Рот ясӈэмна ма алаӈ ясӈат лавсам: Амы, ма. Топ ясаӈ щирна рахал там вул олапсы ванты, омась  ёханан, хата вуртаӈ вус яӈхал, хысаӈ пан, хата хаяп юпина  нёхамтысам, саккараӈ морах сата пела акатсам, па щи юпина – вул мувев хося, нэмал Рот мув ощта питсам. Вул амэм маньсят ма итта тэлна номлаллам.

  Номаслам, малайи муӈ рот мувув нэӈхы, ямас ощты писателюв Роман Ругин  хорам хансам стихотворениялна хансас: «Муӈ пелак вахты ясӈев»? Мала пела рахал ясӈев вахта? Ма номасылам, лув щиты лавты лытас, ясӈев муӈев ханяйна олты амаматсет  па йилап ханя верат катра йис ясаӈ касты вахлаллы. Там йисна муӈ ясӈев ки савилэв, муӈ этносэв олта питл. Манэм сэӈк щаль, там йисна энамты нявремат лув рот ясӈел ант мосталэл па мутраяӈ маньсят,арат ант холлэл. Касаӈ ясаӈ ар номас таял, мир хося ям ханты эвтам иты йис, мала антам муӈ эвтамлув хося. Сэӈк масталам, муӈев миям лан ант тапаллэв. Ясаӈ- нэӈхэт лыл.

Атаман Наталья 8а класс ЯНАО с.Аксарка МОУ Школа с.Аксарка