Эссе на крымскотатарском языке «Мой вклад в будущее Крыма»

Муниципальное бюджетное общеобразовательное учреждение

«Сарыбашская школа с крымскотатарским языком обучения им.А.М.Типпа Первомайского района Республики Крым»

Эссе

на крымскотатарском языке

«Мой вклад в будущее Российского Крыма»

Автор работы:

        Халилова Эмилия

                                           ученица 9 класса

                                                           МБОУ Сарыбашская школа

        Руководитель:

                                                                            Рамазанова Линара Руслановна

                                                        учитель родного (крымскотатарского) языка

                                                         МБОУ Сарыбашская школа

с.Сары-Баш

Ватанымнынъ   дюльберлигини  ве тарихий абиделерини  огренмек, бильмек  ичюн  инсаннынъ  мерагъы  эп арта. Къырымнынъ кечмишини  огренем, земаневийге  дикъкъат  этем.  Фаркъларыны  корип  тенъештирем. Тюшюнем...

Къырымнынъ тарихы ...

        Тарих – бу бизим  кечмишимиз. Кечмишни  бильмек  ве сакъламакъ керекмиз.  Кечмишнен гъурурланмакъ ве несиль-несильден, агъыз-агъыздан теслим этмек керекмиз. Келеджегимиз кечмишсиз олмаз! Мен он алты яшындам. Эльбетте, кечмишни  денъиштирип   оламайым, амма, келеджегим меним къолумда. Демек, яшайышымны, мемлекетимнинъ келеджегини денъиштирмек ве керекли  инсан  олмагъа, яшагъан  ериме  файда  кетирмек  меним  де акъкъым бар.

        Келеджегимни  эким  зенаатынен  ве экологиянен  багъламакъ  истейим.        Бу  эки  зенаат  бири - биринен сыкъ  багълы. Эким олмакъ  бугунь пек къыйын,  чюнки  табиатнынъ  писленюви  эп арта. Табиат  писленсе, демек,  темиз ава         акъкъында  тек  арз этмек  керекмиз.  Инсанлар,  хусусан кучюджик сабий балачыкълар  догъулгъанындан   чешит  хасталыкъларгъа   огърайлар. Эльбетте,  биз   Къырымда   яшайыкъ, Къырым — ярымада, онынъ эр тарафы сув: шаркъта Азав     денъизи, гъарпта ве дженюпте  исе  Къара  денъиз. Къырым  бутюн  алемге   багъ-багъчаларнен,  орман-озенлернен, чокъракъ ве дагъларнен   белли.         

Табиат    байлыгъы  не  къадар буюк олсада, бир кунь битер. Бу ал  акъикъий  фаджиа. Онынъ ичюн яшагъан ериме файда кетирип, мемлекетиме керекли инсан олмагъа  истейим. Неден  башламакъ  керегим?  Эльбетте, окъувдан. Бильгенимиз киби, Къырымнынъ чокъ ерлеринде дагълар орьтюсини ювып,  онынъ  берекетини   эксильтелер.          Чокъракълар, озенлер къуруй, денъиз пислене, онынъ байлыгъы эп гъайып ола. Ана-топрагъымыз хавфлы алда ве онынъ  келеджегини  къуртармакъ  керекмиз.

Бутюн дюньяда укюмет векиллери озь мемлекети акъкъында не айта? Насыл  ярдым эте? Келеджегини насыл коре экенлер?-деп, телеяйынлар хаберлерини, интернет хаберлерини сейир этем.  Тюшюнем, фикир этем. Озь Ватаныма козь ташлайым. Къырым керчектен де пек гузель ве аджайип   ер.   Къырым тедавий меркезлернен белли. Дюньянынъ эр еринден адамлар озь сагълыгъыны  тюзетмек  ичюн  мында  келелер.

        Къырымнынъ  эр  кошечигини  корьмек  ичюн  къуш  олмакъ  истейим. Къанатларымны ачып, юксекке котерилип Къырым  дагъларыны, сербестликни, багъ-багъчаларны,орман-дагъларны сейир этип кокрегиме урып: «Бу  меним Ватаным! Меним  диярым!»- деп,  къычырмакъ  истейим.

Меним  арзум Къырымнынъ келеджегини,  халкънынъ яшайышыны енгиллештирмек. Къырым даа гузель олсун, ешилленсин, багъчалар сачылсын, чёплюлерни денъизлерге, озенлерге, орманларгъа  ташламайып, этрафлары темизлейик. Не къадар чокъ ешилликлер олса,  эр ерде  темизлик  олса, о къадар темиз  ава  олур. Хасталар  азлашыр,  инсанларнынъ  яшы   осер.

Келеджекте   мен бу  макъсадларнынъ  устюнде  тырышаджам ве Къырымнынъ келеджеги парлакъ олсун деп ынтыладжам. Мен озь макъсадларыма   мытлакъа  иришеджем,  Къырымнынъ  келеджегине   салым  олур.