Уҡытыусыларға ҡотлау һүҙе

      Һәр бала мәктәп юлын үтә. Мәктәпкә йәше еткән бала беренсе класҡа барырға ашҡына.  Ул беренсе сентябрҙе көтөп ала, уға яңы портфель,форма алдан алып ҡуйылған. Мәктәптәге тәүге көндә  бала беренсе уҡытыусыһы менән таныша. Һуңынан уҡыусының ярты ғүмере мәктәптә, уҡытыусыһының янында үтә.Минең беренсе уҡытыусым, Әнисә Әнәс ҡыҙы, хәтеремдә ғүмер буйы ҡаласаҡ, тип уйлайым. Сөнки ул беҙҙе уҡырға,яҙырға,үҙеңде тәртипле тоторға өйрәтте.

                                                                                                      Шәрәфүтдинова Д. 6 класс.

    Яратҡан уҡытыусым – Йосопова Сара Морат ҡыҙы. Ул 1971 йылдың 26 ғинуарында Учалы районының Малай – Муйнаҡ ауылында донъяға килгән.Әлеге мәлдә Абҙаҡ ауылында уҡытып йөрөй. Сара Морат ҡыҙының ҡул аҫтында 2 йыл ғына уҡыһам да,бик  күп нимәләргә өйрәнеп ҡалдым. Дуҫлыҡ, татыулыҡҡа ла тәүге нигеҙҙе ул һалды. Рәхмәт һеҙгә, Сара Морат ҡыҙы! Шулай  уҡ бөтә уҡытыусыларға ла һаулыҡ,бәхет,ғаиләләрендә татыулыҡ, оҙон ғүмер теләйем!

                                                                    Күсәйева Р. 8 класс.

       Яратҡан уҡытыусым – Әнисә Әнәс ҡыҙы. Ул беҙҙе башланғыс кластарҙа уҡытты; хәреф танырға,һандар яҙырға,ҡушып уҡырға өйрәтте,ҡышын,яҙын,йәйен,көҙөн беҙҙе тәбиғәткә экскурсияға алып сыға торғайны. Тәүге уҡытыусым миңә тәбиғәт һәм донъя серҙәрен асты.Әнисә Әнәс ҡыҙы күңелем түрендә ҙур урын алып тора.

                                                           Әхмәтшин Б. 6 класс.

    Минең яратҡан уҡытыусым – Сания Даян ҡыҙы.Ул аҡыллы,тырыш,эшһөйәр,яғымлы , талапсан башҡорт теле һәм әҙәбиәте уҡытыусыһы.Сания Даян ҡыҙы беҙҙең икенсе әсәйебеҙ. Сания апай: “ Дуҫ булығыҙ,бер-берегеҙҙе хөрмәт итегеҙ,мәктәпкә инеп-сығып йөрөгәндә инсафлы булығыҙ,һорағанды яҡшы аңлап,белгәндәрегеҙҙе асыҡ тауыш менән әйтеп бирегеҙ”, –тип өйрәтә. Ул яҡшы уҡытыусы ғына түгел, ә яҡшы әсәй ҙә. Тормош иптәше менән дүрт бала үҫтерәләр.Мин уларҙың ғаиләһенә һоҡланам.Уҡытыусыма ныҡлы һаулыҡ,бәхетле оҙон ғүмер,тормош ауырлыҡтарына бирешмәүегеҙҙе теләйем. Ҡояштай балҡып,яҡындарығыҙға нур таратып оҙон-оҙаҡ йәшәргә яҙһын.

                                                              Аманова Г. 6 класс

   Ҡәҙерле, хөрмәтле уҡытыусыларым:

Исҡужина Әнисә Шамил ҡыҙы

Лоҡманова Миләүшә Мирлах ҡыҙы

Аҡбулатова Фәниә Нуриман ҡыҙы

Мирасова  Таңһылыу Мофассал ҡыҙы

Бәкирова Сәбилә Ғүмәр ҡыҙы

   Ҡотлайым һеҙҙе байрам менән!

                                                     Кәлимуллина С.Д.