От - чаяачы

Тѳлевилелдин (проектинин ) темазы:

От – чаяачы

                                                      Ѳгбелерим, хайыралыг тыва чонум

                                                     Ѳнчу кылдыр биске чуну арттырып каан?

                                                      Ѳру хун, монгун ай, от чаяачы

                                                      Ѳргун чонум, улуг-биче тѳрээн чуртум

                                                      Ѳгбелерим хайырлап каан ѳнчузу ол!

Тѳлевилелди кылган ѳѳреникчи:

                                                                              Оюн Кудерек, 6 «а» класс

                                                                              Удуртукчу бащкызы:

                                                                              Оюн А.А

Айтырыгнын чидии ( актуальность ):

Бистин ада-ѳгбелеривис отка хамаарышкан чараш болгаш ханы ужур-уткалыг езулалдарны, сагылгаларны эрттири чораанын келир уенин салгалынга угаадыры. Отка  хамаарышкан сагылгаларны база хоруглуг чуулдерни билиндирери чугула.

Ажылдын шинчилеп турар чуулу (объектизи ) : От – чаяачы.                                                                                      

Шинчилел ажылынын шинчилээр чуулу ( предмеди):

Тыва чоннун езу-чанчылында отка хамаарышкан сагылгалар.

Сорулгазы:Эрткен тѳѳгулуг оруууста сагып чораан ужур-чанчылдарывыста тыва кижинин отка хамаарылгазын ѳѳренип кѳѳру.

Шиитпирлээр айтырыглары:

1. Отка хамаарышкан езулалдар.
2. Хоруглуг чуулдер.

Ажылдын чаа чуулу (онзагайы):Отка хамаарышкан езулалдарны чангыс черге чыып мѳѳннээри.

Практиктиг угланыышкыны  ( ооредилге, кижизидилге ажылынга каяа ажыглап болурул):

Ук материалды класс шактарынга, класстан дашкаар ажылдарга, мѳѳрейлер эрттиреринге ажыглап болур.

Шинчилелдин методиказы:

Номнардан,сеткуулдерден база интернеттен дилеп-тывар арганы ажыглап кылган.

Киирилде кезээ: Отка чудуур чорук тываларга эрте-бурун шагда-ла турган. Тыва чоннун мындыг улугер чугаазы бар: от – чаяачы. От дээрге тыва кижинин ыдыктыг болгаш чудуур бурганы.

                 Бистин ада-ѳгбелеривис хамык-ла чувени от чаяап турар деп бодап чораан болгаш чылдын-на отту дагыыр турган. Ѳг бурузу одун дагыыры шуут ыдыктыг чудулге турган.От дагыырын ѳг-буленин чудулгези кылдыр кѳруп болур, чуге дээрге ѳг бурузунун одунун ээзи дошкун, чымчак болгаш могаттыныычал туруп болур. От ээзи киленневезин дээш, отту дагыыр.Улуг кышты эки ажарынга от ээзи дузалаар болзун дээш, отту дагыыр. Уруг-дарыг кадык-шыырак доруксун дээш, отту дагыыр. Ѳг иштинде чурттап турар кижилер ак оруктуг болзун дээш, отту дагыыр. От дагыыры – от ээзинге чалбарып чудээни болур.

       От дагыырындан ангыда тыва чоннун эн сузуглелдиг байырлалы – Шагаада ожукта отту успези, чула-ден ѳжурбези – база бир езулал. Шагаа дунезинде хып хонган от, чула ог-оранга кара хай-бачыт киирбес камгалакчы болур деп сузуглээр. ( сан салыры)

Тыва улус чугле аал-оранынга одунга чалбарып , чудуп езулалдар кылып чораан дээр болза шын эвес болур, чуге дизе тайга- тандыга аннап чорааш анчылар отка (одагга) сагыыр езу-дурумнерлиг: ыяш чарарда, кичээнгейлиг болур, дуне ыяш чарбас, одагга ыыт ундуруп, маргыш кылып болбас. Одунга аъш-чеминин дээжизин салып, чемгерип, олча дилеп чалбарып, тейлээр.

Чанар душта чанчыл ындыг:

                                          Чадырынга тыва анчы

                                          Чаъс душпес кургаг черге

                                          Шайын,дузун,серенгизин

                                          Чемнин артыын,кургаг будуун

                                           Четчелеп кааш аъттаныптар.

 Бистин ада-ѳгбелеривис аал-оранынга, аннап-меннеп, ырак-узак орук чорааш одунга чалбарып,чудуп чораан салгалдан салгалче дамчып келген сузуглели бар:

                        Отче дукпуруп болбас – аксы бужартаар.

                        Отче суг кутпас – сунезининин оду ѳжер.

                        Отче бок октавас – кара согурарар.

                        Отту арта халып болбас – чуртун карартыр ядараар.

                        От орнун базып болбас – кежии чайлаар.

                       Кѳшкен кижи одунун орнун арыглап каар – сеткили  ак болур.

                        От хайыракан,оршээзин!

                        От чаяачы болгаазын!                        

Туннел кезээ: Бо болза тыва чоннун ажы-тѳлунге арттырып каан ыдыктыг чагыы болур. Ону бис утпайн сагып чоруур ужурлуг бис.

              Бурун шагнын чанчылдары

              Буян синген ѳѳредиг-дир

              Будун- биле арта базып

              Бужартатпайн хундулеп чор

              Ѳгбелернин сагылгазы чаяалгазы

              Одувусту ѳжурбейн ыдыктап чор!