Эссе на военные темы учащихся 7 классов.
Вложение | Размер |
---|---|
esse_7_klassy.docx | 15.55 КБ |
7-æм астæуккаг скъолайы
7-æм «А» къласы ахуырдзау
Тæймæзты Луизæ
Эссе.
«Ничи ферох, ницы ферох уыдзæн!»
Цалдæр боны размæ нæ къласимæ уыдыстæм экскурсийы. Нæ балц арæзт æрцыд Кавказы карз хæсты 70-йæм азы Уæлахизы кадæн.
Дисы æфтауы, цас цыртдзæвæнтæ ис, армыдзаг йеддæмæ чи нæу, уыцы Ирыстоны. Уыцы цыртдзæвæнтæ сты нæ адæмы хъæбатырдзинад æмæ æхсардзинады æвдисæн.
Мин фарастсæдæ цыппор фыццæгæм аз… Фыдыбæстæйы Стыр хæст… Уыцы уæззау уавæры йæхæдæг чи бахауд, уыдон абон дæр зæрдæрыстæй æрымысынц карз æмæ æгъатыр хæст. Знаг тæригъæд нæ зыдта: мардта сылгоймæгты, сывæллæтты, зæрæдтæ.
Тугкалæн хæстæй иуварс нæ баззад чысыл Ирыстон дæр. Бирæ ирон нæлгоймæгтæ æмæ сылгоймæгтæ сæ цард радтой Фыдыбæстæйы сæрибарæн. Бирæты нæмттæ баззадысты нæ зæрдæты ныр дæр. Уыдонимæ Гæздæнты авд æфсымæры. Æрыгон лæппутæ кæрæдзийы фæдыл ныууагътой сæ фыды уæзæг æмæ ацыдысты хæстæн йæ тæккæ цæхæрмæ.
Бабæрæг кодтам сын сæ цыртдзæвæн, байхъуыстам экскурсоводы хус ныхæстæм… Фæлæ куы ахъуыды кæнай, цас цæссыгтæ æркалдысты мæгуыр мадæлтæн, цас хъарджытæ райхъуыст алы ирон хæдзарæй дæр. Кæрон сын нæй…
Фæци нæ балц, æрхæццæ стæм скъолайы кæртмæ. Фæлæ сæры уæддæр зилдух кæнынц алыхуызон хъуыдытæ. Цас æмæ цас салдæтты ингæнтæ нырма сты æбæрæг. Абоны онг бирæтæ нæ зонынц цы фесты сæ хæстæджытæ, кæм ныгæд сты.
Сæ цард нæ сæрибары сæраппонд чи радтой, уыдон хъуамæ ферох уой?! Нæй гæнæн уымæн! Уæд ма нæм адæймаджы миниуджытæй цы уыдзæн?
Фæстагмæ æрцыдтæм ахæм хъуыдымæ: махæн нæ хæс кæддæриддæр у, хæсты рæстæг чи фесгуыхт, йæ цард чи нæ бавгъау кодта нæ сæрибар хъахъхъæнгæйæ, уыдоны нæмттæ ферох кæнæн нæй. Мах хъуамæ цæрæнбонты дзурæм «бузныг», ныртæккæ ахæм рæсугъд æмæ хорз бæстæйы кæй цæрæм, уымæ гæсгæ.
7-æм астæуккаг скъолайы
7-æм «Б» къласы ахуырдзау
Киситы Чермен
Эссе.
«Зæххыл цы стырдæр хæст æрцыд,
Уым ирон туг дæр ныккалд.»
Райгуырæн бæсты сæрыл
амæлынæй хуыздæр
мах…ницæмæ бæллæм.
Брытъиаты Елбыздыхъо
Адæймагæн йæ хорз миниуджытæ, йæ фидар удыхъæд рабæрæг вæййынц царды зындæр рæстæг. Ахæм уæззау уавæры бахаудысты нæ Райгуырæн бæстæйы æппæт адæмтæ Фыдыбæстæйы Стыр хæсты райдайæны… Советон адæм хъахъхъæдтой нæ Фыдыбæстæ, тугæй æлхæд сæрибар. Фыдыбæстæйы Стыр хæст нæ чысыл Ирыстонæн уыд фыдæвзарæн. Ирон адæмы хъæбултæ уыцы æвирхъау хæсты уыдысты хъæбатырты раззагдæр рæнхъыты.
Ирыстонæн стыр кад скодтой не `мзæххон Советон Цæдисы Хъæбатыртæ. Уыдонимæ – зарджыты хъуыстгонд Дыууæ хатты Советон Цæдисы Хъæбатыр, Монголы Адæмон Республикæйы Хъæбатыр инæлар Плиты Иссæ.
Уæрæсейы бирæ хъæуты æмæ горæтты ссардтой не `мзæхонты нæмттæ. Стыр кад сын скодтой: сæ нæмттæй схуыдтой уынгтæ, æнæхъæн хъæутæ. Куыд æхсызгон мын у уый! Зæгъæм Плиты Иссæ йæ фыццаг сызгъæрин стъалы райста украинаг горæт Одессæ уæгъд кæнгæйæ. Уымæ гæсгæ уыцы горæты сæйраг уынгтæй иу хæссы Хъæбатыры ном.
Нæ рох кæнынц тугкалæн хæсты бонтæ, æнæкæрон зиантæ, стæй – Уæлахизы цины хабар.
Нæй ферох кæнæн, Райгуырæн бæстæйы сæрвæлтау йæ цард чи радта, йæ Фыдыбæстæ мадау чи уарзта, уыцы хъæбултæн.
Уыдоны `хсæн ирон салдæтты нæмттæ дæр. Куыд хъуамæ ма уæм сæрыстæр: нæ гыццыл республикæ, адæмы нымæцмæ гæсгæ, радта се `ппæтæй фылдæр Советон Цæдисы Хъæбатырты.
Бирæ азтæ куы рацæуой, уæддæр мах нæ сæртæ бæрзонд хæсдзыстæм, нæ чысыл Ирыстонæн Фыдыбæстæйы Стыр хæсты кад æмæ ном чи скодта, уыцы хъæбатыр æмæ æхсарджын хæстонтæй.
Каргопольская игрушка
Рисуем "Осенний дождь"
Ласточка
Воздух - музыкант
Новогодняя задача на смекалку. Что подарил Дед Мороз?