шинчилел ажылы "Ак-Даш суму девискээринде топонимнер"

Тес-Хем кожууннун Шуурмак ортумак школазы

Эртем-практиктиг конференция  

«Келир үеже базым»

Тема:

 «Ак-Даш суму девискээринде

 топонимнер»

                                                            Санчай Милиана,

Шуурмак ортумак школазының

                                                                              8-ки клазының өөреникчизи

                                                                             Удуртукчузу: Санчай Ч.С,

                                                                          тыва дыл, чогаал башкызы

2014, февраль

Допчузу:

Киирилде……………………………………………………………………………….

   1 эге. Ак-даш суму девискээринде черлер аттарының даңзызы………………….

   2 эге. Ук черлер аттарының лексика-семантиктиг болуктери…………………….

   3 эге . Черлер аттарының тургустунган аргалары…………………………………

   4-ку эге Топонимнерниң тургустунган модельдери……………………………….

5-ки эге Микротопонимнер болгаш макротопонимнер ……………………………..

Туңнел…………………………………………………………………………………..

Литература ……………………………………………………………………………..

Капсырылга…………………………………………………………………………….

Ажылдың планы:

  Киирилде

  Кол кезээ:

     1 эге. Ак-даш суму девискээринде черлер аттарынын даңзызы

     2 эге. Ук черлер аттарының лексика-семантиктиг болуктери

     3 эге . Черлер аттарының тургустунган аргалары

     4-ку эге. Топонимнерниң тургустунган модельдери

     5-ки эге. микротопонимнер болгаш макротопонимнер

  Түңнел

Ак-Дажымның аржаан cуундан амзапсыңза,

ам-даа ижейн бериңер деп дилей бээр сен.

Ак-Дажымның агаарын сен тыныпсыңза,

ам-даа тынайн манаңар деп соглей бээр сен.

Ак-Дажымның арга-арыын эргипсиңзе

ам-даа кезиийн, бараалам деп кузей бээр сен.

Ак-Дажымның чараш-каазын корупсуңзе,

Анай-карам болуп кор деп дилей бээр сен.

М.Кужугеттиң шулуунге ундезилээн  

Киирилде кезээ

Чүвелерниң аттарын шинчилээр ажыл эвээш шинчилеттинген ажылдарның бирээзи. Ынчалза-даа Тыва республика девискээринде топонимика талазы-биле  шинчилелдерниң чоруттунуп турарын филология эртемнериниң кандидады Бичен Кыргысовна Ондарның шинчилеттинген ажылдарындан билип ап болур.

Сүт-Хөл кожууннуң Ак-Даш суму девискээриниң топонимиказын шинчилээн тускай ажыл чок. Ынчангаш ону шинчилээри негеттинип келгени-биле (актуальность) бо ажылды шилип алган бис.

Черлер аттарын шинчилээр ажыл элээн нарын.

Хуу аттарны илереткен сөстерни топонимнер дээр. «Топоним» деп термин «чер»болгаш «ат» деп грек сөстен укталып тургустунган. Чурттакчылыг черлер аттарын ойконимнер, даглар аттарын оронимнер, суг объектилеринин аттарын гидронимнер, хоорай иштиниң объектилеринин аттарын урбанонимнер, оруктар аттарын годонимнер дээр. Микротоп — чурттакчылыг улуг эвес чер. Макротоптар – Саян даглары, Енисей, Мөңгун-Тайга дээн чижектиг чон аразында билдингир черлер аттары.

Ажылывыстың сорулгазы (цели): черлер аттарының  тыптып келген кыска төөгузун өөренип билип аары база келир салгалга кадагалап арттырып бээри.

Ажылдың сорулгазын чедип аарда кылып чорудар ажылдар (задачи): cуур девискээринде черлер аттарын болуктээшкинин тургузар, ооң тывылган кыска төөгузун cуурда бар улуг назылыг улустан чыып бижиири.

Истелге ажылының объектизи: Ак-Даш суму девискээри, сөс чогаадылгазы.

Ажылдың теоретиктиг үндезиннери: ук ажылды кылып тура, филология эртемнериниң кандидады Бичен Кыргысовна Ондарның дараазында ажылдарын кол удуртулга болдурган1.

Шинчилел ажылының кол арга-методу: дилеп-тыварының, төөгу деңнелге болгаш тайылбырлап бижиириниң, статистика методтарын эртемнииниң принцивинге чагыртып ажыглаан бис.

Ажылдың практиктиг ужур-дузазы: Бо шинчилел ажылының материалын дараазында топонимика талазы-биле  шинчилелдер чорударынга  , сумунуң картазын тургузарынга черлер аттарын киириштиреринге ажыглап болур

Ажылдын тургузуу(структура):

Ажыл киирилдеден, 5 эгеден, туннелден тургустунган. Киирилде кезээнде топонимикага хамаарышкан ниити айтырыгларны, а кол кезээнде суму девискээринде черлер аттарының болуктээшкинин, модельдерин  база ооң тывылгынының дугайында кыска төөгузун тодарадып бижиирин оралдашкан. Туннел кезээнде ажылды кылып келген уевисте кандыг туңнелге келгенивисти айыткан бис.

 ________________________________________________________________

1Б.К Ондар. Топонимия Тувы // Башкы, 2001

Кол кезээ

1-ги  эге

Ак-Даш суму девискээринде черлер аттарының бөлуктээшкинниг даңзызы

Ак-Даш — Сүт-Хөл кожууннун барыын чүгүнде турар улуг эвес суур. Ол Чөөн-Хемчик кожуун, Алдан-Маадыр cуур, Бора-Тайга, Суг-аксы суурлар - биле кызыгаарлажып чыдар, а мурнуу — чөөн талазында Хемчик хем агып чыдар.

1.1 Черлер аттарының бөлүктээшкини:

2-ги эге

Черлер аттарының лексика-семантиктиг бөлуктери

     Тываның гидронимнериниң лексика-семантиктиг сайгарылгазын кылып тура, Бичен Кыргысовна Ондар оларны ийи улуг болукке чарган:

1. «Бойдус» азы суг объектилериниң физика-географтыг шынарларын болгаш долгандыр турар байдалын коргускен гидронимнер
2. «Кижи»  азы кижилерниң амыдыралы, ажыл-ижи, өртемчей көрүүшкүнү -биле холбашкан гидронимнер*  Ук ажылда топонмнерни база бо болуктээшкинге даянып чоруткан.

1.   Географтыг объектилерниң кандыг-бир чувелиг (обладающий) онзагай демдектерин коргускен географтыг черлер аттары. Олар мындыг иштики кезектерге чарлып чоруур.

Ында өзуп турар унуштерниң барының аайы-биле: Чодураалыг алаак, Чыжырганалыг-Алаак, Кулузуннуг-Алаак, Кезек-Терек, Дөртен-Терек, Долааналыг-Арыг, Бора-Чыраа, Кара-Тал ишти, Сайлыг-Одек.

Географтыг объектилерниң даштыкы хевирин онзагайлап адаан топонимнер

Көк-даглар — суурнуң соңгу барыын талазында чаттылып чоруткан улуг дагны Көк-Даг дээр. Ону ырактан көөрге көгертир көступ турар, ынчангаш улус ооң өңун көруп ынчаар  адаан деп улустуң даап бодаашкыннары бар. Ук дагны шаанда уеде «Ленин» даа деп адап турган. Аңаа ол атты коммунистиг партия уезинде чер-черлерге  Ленин, Мир дагларын  адап турар уеде ынчаар адаттынган. Ынчангаш ам-даа ынчаар адаар кижилер база бар. Ынчангаш Көк-Дагның бир ады Ленин. 

*Ондар Б.К Гидронимия Тувы АКД. М:1993

41  --  Терек биле хадынның чаңгыс черден 41 санның хевиринге кара олчаан домей кылдыр үнүп келген чурумалдыг чараш черин ынчаар адаар.

Шаттар –  суурнуң барыын талазын чаттылдыр шойлуп чоруткан калбак-калбак дагларны шаттар дээн.

Чиңге-Даш – суурнун соңгу талазында чаттылдыр шөйлуп баткан дагны  ынча дээр.

Тей – суурнуң Хемчик ол чарыында улустуң чайын малын чайладыры Шеми-Аксы чайлаг черинде мал-магган харап көөрунге эптиг  улуг эвес борбак тейни ынча деп адаан.

Курттуг-Даш – Хемчик хемниң ол чарыында Шеми-Аксында база-ла аалдар чазаар, кыштаар эки  одарлыг черни көскулең, хөй узун курттуг боорга Курттуг-Даш деп адаан.

Шанчыг  – Хемчиктиң шаштылдыр, оон кыдыы-биле чыпшыр  агып чыдар черинде дагны Шанчыг деп адаан.

Тар-Узук  – Бора- Тайга биле Ак-Даш аразында ажар кадыр , тар черни Тар-Ỳзүк арты деп адаан.

Ыйгылак - ортуу талазынче оңгагар улуг шөл.        

Чалбак-шык.- чалбак улуг шыктыг чер.

Кургаг-Сай — сайлыг улуг чер боорга.

Бедик эл. -   суурнуң соңгу талазында суггаттыг тараа шөлдериниң бетинде ийи-уш метр  бедик  элдер ийи-уш километр черлерде шөйлуп баткан. Ак-Даш cуурдан Бора-Тайга баар орук база ол элди таварып эртер. Олап эртип чыткаш ол элди куду бадыптарга, чурек сиилээр, ижин-баар өрү көдүрлүп келген ышкаш  апаар. Ооң бедии ол хире болган хевирлиг. Ынчангаш «Бедик Эл» деп атка четкен чадавас.

Географтыг объектиниң сан-туңун илередир топонимнер:

Дөртен Терек, Чаңгыс терек. Оларның иштинден суггаттыг тараа шөлдерин хемчээл талазы-биле  38га, 100га, 74га деп черлер база бар.

2.Кижи азы кижилерниң амыдыралы, ажыл-ижи, өртемчей көрүүшкүнү-биле холбашкан топонимнер.

2.1Ажыл-агыйга ажыглап чораанының аайы-биле тывылган топонимнер:

 Хараача-ээр  кожуунга билдингир ус-шевер дарган Аракчаа Ондарның хараача ээп ап кылып ап чораан черин ынчаар адай берген. Оон кезек уеде ол чер орттенген турган. Оон соонда оглу Кошкар-оол Ондар оолдары-биле катап тургузуп алгаш база-ла адазынын изин салгап хараача ээп  ап чораан чери ам-даа дери-херексели-биле бар.

       Подвал – аңаа шаандан тура улус тараа-быдаазын  шыгжаар хөй уургайлар казып ап келген чери. Ынчангаш оон бээр-ле баштай Уургайлыг оон ам чоорту Подвал деп адап турар.

Сүзүп Салыр – Сеп cуунда ээремнелип чыдар балыктаар черни ынчаар адаар.

Көжер-Баалык – Шаандан тура улустуң малын семиртирде   ындында  тайгаларже баарда улустуң аргыжар артын Кожер-Баалык деп адаан.

2.2Төөгулуг болуушкуннар болгаш тоолчургу чугаалар - биле холбашкан топонимнер.

Соксаал –  делегейде ады-сураа билдингир Амыр-Санаа сүрдүрген шериглеринден дезип бар чорааш болап эртип чыткаш, маңаа бир доктааган деп тоолчургу чугаа бар.Ооң адының изи ам-даа Соксаал дааның бир хаязында ам-даа бар деп улус чугаалажыр.

Өршээл.  Алдан -маадырларның тура халыышкынының уезинде дагже Алдан-маадырларны  чыпшыр суре бээрге, амбын шериинге алдыртпайн эрес-дидим эрлер Хемчикче киир шураткаш, ындыы эриктен  эштип унуп кээп турган .Ынчалдыр чамдык улустуң амы-тынын өршээген бооп турар.Ынчангаш Өршээлдиг  даг деп оон бээр-ле  адай берген деп тоолчургу чугаа бар. Анаа-ла ундезилеп ынчаар адаттынган.

Ак-Майык ортулуу. Хемчик чоогунда кончуг шыргай ортулук бар. Анаа улустун чылгы малын киир сүрүп каарга аңаа чайлаар, күзүн чара семирип калган унуп кээр чораан. Аңаа бир катап cуур  чурттуг Сарыглар Ачын-оол Доржуевичиниң аъды чазын киргеш, күзүн үнүп келген. Ынчангаш ук черни олчаан ынчаар адай берген.

2.3.Антропотопонимнер.

Кижилерниң хуу аттарындан тургустунган географтыг черлер аттарын антропотопонимнер дээр.

Тыва чон шаг-төөгуден бээр көшкун амыдыралдыг, мал ажыл-агыйлыг чораанындан, хөй-хөй чылдарда  кижилерниң кыштап, чайлап келгенин барымдаалап ооң чурту, мооң чурту деп кижилер адай берген черлер бар. Ол черлерни ам-даа ынчаар адавышаан. Аңаа ындыг кижи чурттап, малын азырап, амыдырап чораан-дыр деп чуве билдингир.

Кижилер аттары-биле хевээр адап артып калган черлер аттары: Өшку-Саар чурту, Сувандии чурту, Мажы кыштаа, Кашпык-оол чурту, Маады чурту, Деңги чурту, Келдир чурту, Хөм-оттук чурту, Ортунаш чурту, Куш чурту,Сандыжап чурту, Тенек-Херел чурту, Арагачы кадай чурту, Төлээ чурту, Ондар Карыма чурту, Соскаңмай чурту.

3-ку эге.

Черлер аттарының тургустунган аргалары

        Тыва дылда сөстерниң тыптыр аргаларын алгаш көөрге мындыг: ийи сөстун каттышканындан (синтаксистиг) база сөстун дазылынга чаа сөс чогаадыр кожумактың немешкенинден (морфологтуг), хурааңгайлаар аргалар.

        Бис бо ажылывыста суму девискээринде туруп турар черлер синтаксистиг болгаш морфологтуг  аргалар-биле тывылганын тодараттывыс:

4-ку эге

Топонимнерниң тургустунган модельдери

 Ук черлер аттарының тургустунган модельдериң (хевирлерин)  база солун бооп турар. Тургустунган хевириниң аайы-биле болуктерни көөрге мындыг: д.а+ч.а, ч.а+ч.а., ч.а+к.с, к.с+к.с, с.а+ч.а с.а+га

«Демдек ады+ чуве ады» хевир

Көк-Даг, Чиңге-Даш, Улуг-Тей, Биче-Тей, Курттуг даш, Тар-Узук, Шолук-Ой, Чалбак шык, Калбак хараган, Кургаг-Сай, Чолдак-Буга,Чодураалыг алаак, Кулузуннуг арыг, Долааналыг арыг, Чыжырганалыг арыг, Кезек-Терек, Дөртен терек, Бора чыраа, Кара-тал, Сайлыг-Өдек, Албыстыг булун, Улуг-Чарык, Ак-Даш, Кара-Суг, Эрги Хемчик, Курттуг хоолбек, Бедик-Эл

«Чуве ады+чуве ады» хевир.

Сайыр бажы, Кызыл баары, Төлээ ортулуу, Ак-Майык ортулуу, Хараган-бажы, Тей кежии, Шанчыг баары, Өшку-Саар чурту, Сувандии чурту, Мажы кыштаа, Кашпык-оол чурту, Маады чурту, Денги чурту, Келдир чурту, Хөм-Оттук чурту, Ортунаш чурту, Куш чурту, Сандыжап чурту, Тенек-Херел чурту, Арагачы кадай чурту, Төлээ чурту, Ондар Карыма чурту, Соскаңмай чурту.

«Чуве ады+кылыг созу»

Хараача ээр

«кылыг созу+кылыг созу» хевир

Уне хонар,  Сузуп -Салыр

«сан ады +чуве ады» 

 Дортен терек, Чангыс терек

Ук черлер аттары ийи арга-биле тургустунганы моон көску:

1. ийи дазылдың каттышканындан тургустунган состер.
2. Сөстун дазылынга сөс чогаадыр кожумактың немешкенинден тургустунган сөстер.

5-ки эге

 Микротопонимнер болгаш макротопонимнер

Географтыг объектилерниң улуг, делгем девискээрлиг, хөйге билдингирин болгаш улуг эвес тодаргай девискээрниң чонунга билдингирин барымдаалап микротопоним болгаш макротопоним деп  ийи кезекке чарар.

Ак-Даш суму девискээринде дараазында географтыг аттарны Тываның иштинге макротопонимнерге киир санап болур

Хемчик – Шашпал сыннарындан бажын алган, 320 км узуннуг, Улуг-Хем киир аккан, Тыва республикада хемчээл талазы-биле улуг хемнерниң бирээзи.

Ак-Даш cуурнун адын албан-херек доументилеринде ажыглап турар болганда, бо атты база макротопонимге санадывыс

Микротопонимнер.

Микротопоним ажыглалы кызыы, чугле ук девискээрде чурттап турар чонга таныш географтыг объектилернин хуу аттары кирер. Бистин таварылгавыста даглар, оон кезектеринин аттары, суг объектилеринин, алаактар, арыглар, кыштаглар, чазаглар, чайлаглар, хонаштар дээш оон-даа өске уурмек географтыг объектилеринин аттары кирер. Ынчангаш Ак-Даш суму девискээриниң топонимиказының кол өзээн микротопонимнер тургузуп турар.

туңнел

Ук ажылда Ак-Даш суму девискээринде черлер аттарының бөлүктээшкиниң чорударын база ооң кыска төөгүзүн тодарадып бижиирин оралдашкан бис. Ооң болуктээшкинин ам-даа янзы-буру талалыг ам-даа уламчылып болур.

Дараазында туңнелдерни үндүрүп болур. Турар черлериниң аайы-биле 8 болүктээшкинни тодараткан бис. Ук черлер аттары сөс чогаадылгазында бар ийи кол арганың  дузазы-биле тургустунган сөстер бооп турар. Тургустунган хевир талазы-биле ап көөрге 4 хевирниң дузазы-биле тургустунган: «ч.а+ч.а», «д.а+ч.а», «ч.а+к.с», «к.с+к.с». Бодуун болгаш нарын топонимнер деп болуктерге чарып болур. Макротопоним Ак-Даш суурнун, Хемчик хемнин ады кирип турар, а арткан суму девискээриниң топонимиказының кол өзээн микротопонимнер тургузуп турар.

Ук ажылывысты  түңнеп тура, бистин өгбелеривистиң шаандан  чурттап чораан черлериниң аттары оларның ажыл-амыдыралы-биле сырый холбаалыг-дыр деп туңнеп, үе-үе аайы-биле чаа черлер аттары база немежип турарын демдеглеп каары артык эвес. Чижээ: Cуурнун адаа талазында Соксаал дужунда арыг ишти Септиң кыдыында шыктыг черниң тускай ады чок турган. Чооку үелерде улус ону «Чечек-оол рестораны» дижи берген. Чуге дизе хой ажы-толдуг Чечек-оол Сундуй-ооловичиниң ог-булези анаа ог-булезиниң байырлалдарын шыктыг аянныг чер боорга шилип, анаа каш удаа эрттиргениниң соонда ол черни ынчаар адаар апарган. Ам-даа чаа черлер аттары немежип келири чадап чок. Бо ажылывысты кагбайн черлер аттарын шинчилээр ажылывысты ам-даа уламчылаар бис. Дараазында Шуурмак суму девискээринин топонимнерин шинчилээш бо ажыл – биле деңнеп көөр сорулганы салдывыс  

Литература данзызы:

1. Ондар Б.К Гидронимия Тувы АКД. М:1993
2. Ондар Б.К. Топонимия Тувы // Башкы, 2001
3. Ондар Б.К. На уроках топонимический материал//  «Башкы»1996,№1
4. Башкы сеткүүлү №3,1997
5. Башкы сеткүүлү №2,2001

Информаторлар:

 Санчай Зинаида Чымбаевна

Ондар Саян-оол Дамдын-оолович

Донгак Борис Чымбаевич

Куулар Олег Чаш-оолович

Куулар Виктор Маспыынаевич

Капсырылга №1

Ак-Майык ортулуу деп чер адынын тывылганы

Ак-Майык ортулуу  –  Ак -Даш суму девискээринин мурнуу-чоон талазында Хемчик хемнин бертии талазында чыдар ортулук. Ону долгандыр сиген шолу, орук ара картошка тараан шол-даа бар. А чогум ортулуккка чеде бээрге, балыктаарынга эптиг  ээтпекте Хемчик хемнин терен чери бар, ээргииштелип чыдар, ур коре бээрге баш дээскине бээр. А ортулуктун бодунда шум оът, ында чуну чок  дээр...

Ак-Майык деп ортулуктун ады канчап тыптып келгенил?

Cуурнун бир хоочун чурттакчызы Санчай Зинаида Чымбаевна мынчаар чугаалап олурду: «Шаанда -даа эвес, чоокку уеде 60 чылдарнын тончузунде 70 чылдарнын эгези уеде, Ак-Даш чурттуг Сарыглар Ачын-оол Доржуевичинин ак майыктыг чугурук аъды чазын читкеш, кузун тыптып келген. Ортулукче шум оът суруп кире берген аът ол чернин шыргайынга чайны оттур унуп чадап кааш, кузун ыяш-даш шаарарып келгенде  унуп келзе-ле чара семирип калган   унуп келген болган. Ынчангаш оон бээр-ле ол чернин адын ак-майык ортулуу деп ол читкен аъттын аайы-биле ынчаар адаан. Ол чернин шыргайы ол хире болган деп чугааны аныяамда дыннан кижи-дир мен» деп чугаалап олурду.

Шак ол чугаанын бадыткалы кылдыр суурда бир хоочун спортчу Ондар Саян-оол Дамдын-ооловичиден дыннаан чугаавысты силерге коргузер-дир бис (видеосюжет )