Сценарий новогоднего утренника

Шэнэ жэлэй сценари ( дунда бүлгэм)

«Гномигууд, конфетэнүүд»

(Yхибүүд  хүгжэм доро хүтэрэлдөөд ороно, хасуури тойроод  зогсоно.)

Дуун: «Ой соо хасуури түрэбэ»

Хүмүүжүүлэгшэ:  Юун айлшан ерээб?

Yндэр, гоё! Дээрээ улаан мушэтэй. Намаан дээрээ саhатай,

Олон нааданхайнуудтай, унгын олон гэрэлтэй? Юун бэ?  (Yхибүүд: хасуури)

Шүлэгүүд:  

Сэндэма

1.Шэнэ жэлэй хасуури

Ямар гоё гээшэб?

hайхан зүүдхэлтэй

Улаан, ногоон галнуудтай!

Аюр

2.Шэнэ жэлэй хасуури

Ямар  үндэр  гээшэб?

Сагаан саhатай

Үдхэн намаатай.

Сарана

3. Шэнэ жэлэй хасуури

Ямар hайхан гээшэб?

Мүнсэгэр, ялагар

Нааданхай  үлгөөтэй!

Вероника:

Хасуури, хасуури ногоороо,

Хадаhаа ерээ ёлкодоо.

Индира:

Шэнэ жэлээ угтая,

Шэнэ дуугаа дуулая!

Максар:

Сайн байна, шэнэ жэл!

Шамайе хүлеэгээбди!

Хүмүүжүүлэгшэ:

Шэмэг hайхан дуугаа,

Дуулахаа байнабди!

Хүгжэмтэ наадан: «Шэнэ жэлээ угтая!»

(Дуугаа дуулаад үхибүүд  стул дээрэ ошоод hууна.)

Хүмүүжүүлэгшэ:

Хасууримнай хажуу тээшээ

Заахан найгаад абабал,

Хэн  бидэндэ айлшан

Холоhоо ерэнэб?

(хүгжэм доро Саhан басаган (Снегурочка) орожо ерэнэ.)

Саhан басаган:

-Би, Сагаан Yбгэнэй гэр соо байдагби, аша басаганиинь, Саhан басаган гээшэб. Харыт, минии хасарнууд сагаахан сэсэг шэнги, хүйтэн hалхин гэзэгыемни гүрэжэ үгэдэг. Шуурган шарга хэжэ үгэдэг. Газаагуур ябахадамни хүн намайе танидаг. Би таанартай хамта Шэнэ жэл угтахаяа ерээб. Хасууриитнай гоёшоожо байнаб!

Хүмүүжүүлэгшэ:

- Сайн байна! Саhан басаган! Ерэhэндэш ехэ баяртай байнабди! Yхибүүд, баяртай гүт?

(үхибүүдэй харюу)

Сагаан Yбгэниие хүлеэжэ байнабди!

Ши хараагүй гүш?

Саhан басаган:

- Ой соо саhан ехэ, Сагаан Yбгэн төөрижэш болохо.

Ошожо харгы hаруул болгоё!

Ой соо байдаг гномигуудые дуудагты!

Хүмүүжүүлэгшэ:

- hахалтай  гномигууд ерэгты!

( гномигууд гартаа фонарь баринхайнууд орожо ерэбэ)

Тимур

Малгайтайб, hахалтайб

Жаахан набтар бэетэйб.

Слава

Ой соо гэртэйб

Ажалда дуратайб.

Дима

Шэнэ  жэлэй айлшанби!

Баяр, жаргал асарнаб!

Yхибүүдтэ баяртайб!

Шүлэг, дуунда дуратайб!

Жора

Yльгэр  сооhоо  гараабди,

Yдхэн ой соо hуунабди.

Алёша

Хатар тандаа харуулхабди!

Хүгжэмтэ наадан: «Хүхюутэй гномик» ( гномигууд хатарна)

Саhан басаган:

- hайн даа, жаахан гномигууд!

Харгымнай  hаруул болоо!

Мүнөө  холын  аянда гарая, амтатай эдеэнэй нютаг ошоё!

Сагаан Yбгэнтэй тэндэ уулзахабди!

(Зүжэгэй хүгжэм доро Саhан басаган, хүмүүжүүлэгшэ, үхибүүд хасуури нэгэ дахин  тойроод ябана)

Хүмүүжүүлэгшэ:

- Yхибүүд! Амтатай эдеэнэй нютаг ерээбди!

Энэ гоё ордон соо хэн байнаб?

Гэшхуур дээрэ гаража, бидэнтэй уулзагты!

(Амтатай эдеэнэй эзэн «Карамелька» гаража ерэнэ)

Карамелька:

- Сайн байна, хүндэтэ айлшад!

Би, энэ амтатай нютагай хатан «Карамелька» гээшэб!  Амтатай эдеэндэ  дуратай гүт?

Yхибүүд: - Дуратай!

Карамелька:

- Энэ ордон  соомни  олон конфетэнүүд  байдаг, саарhануудынь элдэб

янзын ялагар, гоё үнгэтэй.  Сагаан прянигуууд бии,  хүрин вафлинууд  байха.

Саhан басаган:

- Хүндэтэ Карамелька! Амтатай  нүхэдөө  дуудыш, харуулыш!

Карамелька:

- Конфетэнүүд  гарагты!  Шүлэгөө уншагты, хатарагты!

( Гартаа томо конфетэнүүдые  бариһан Карамельканууд гарана)

Илана:

Амтатай конфетэнүүд

Гүйжэ ерээбди.

Лена:

Хасууриин хажууда

Хатархаяа байнабди!

Ясмин:

Шэнэ жэлэй  ерэхэдэ

Бэлэг болонобди!

Саран-Туяа:

Хасууриин урда

Эрьелдэн  нааданабди!

(Карамельканүүд  томо саарhан  конфетэнүүдээ баряад хатарна)

Карамелька:

 -Шоколадай  баабгайнууд, хүүхэлдэйнүүд наашаа ерэгты! Хатараа харуулагты!

Хүмүүжүүлэгшэ:

- Баабгайнууд  урдамнай

Булта ерээд байна!

Хүүхэлдэйнүүд  хүхюутэй

Хажуудань зогсоно!

Баабгай хүүхэлдэй хоёрой хатар

 (хүгжэмшэн дуулана, үхибүүд хатарна)

Хүмүүжүүлэгшэ:

- Ямар амтатайб, ялагар гоё саарhатай  конфетэнүүд  гээшэб!

Шоколадай баабгайнууд, хүүхэлдэйнүүд  яагаа гоёор хатарна гээшэб?

Бидэ танай нютаг ерэжэ ехэ баяртай байнабди! Сагаан Yбгэнтэй уулзаха байгаабди!

Саhан басаган:

- Барандаа Сагаан Yбгэниие  дуудая!

Бултадаа:

- Сагаан Yбгэн! Сагаан Yбгэн!

Сагаан Yбгэн: (орожо ерэнэ)

- Дуудахыетнай дуулааб, дуулааб!

Сайн байна! Yхибүүд, томошуул!

Yни болообди харалсаагүй!

Бултандатнай шэнэ жэлэй мэндые асарааб! Аза, жаргал, элүүр энхые хүсэнэб!

Хүмүүжүүлэгшэ:

- Сагаан Yбгэн!  Хасууриимнай галханууд гэрэлтэнэ үгы!

Сагаан Yбгэн:

- Зай, туhаа хүргэхэб. Намтай хамта үгэнүүдые хэлэгты!

«Нэгэ, хоёр, гурба

Хасуури  гэрэлтыш!»   (2 дахин дабтаха)

Шэнэ жэлээ угтажа , шэнэ дуугаа дуулагты!

Арья:  - Шэнэ жэлнэй

               Ерэхэнь гээшэ

               Ногоон ёлко

               Ялархань гээшэ!

Дандар:

- Шэнэ жэлнэй

  Ерээл даа.

Арина:

- Шэнэхэн зугаа

  Асараал даа!

Эрдэни Ц.:

- Шинии, минии

  Толгой дээрэ

  Шара  алтан

  Адхараал даа!

Хүгжэмтэ наадан: «Сагаан Yбгэн ерээ»

Хүмүүжүүлэгшэ:

- Сагаан Yбгэн!  Айлшалжа ерэhэндэтнай  үхибүүд ехэ баяртай байна.  «Табихагуйбди»  - гэжэ наада наадахань. (2-3 наада наадана).

Сагаан Yбгэн:

- Ямар бэрхэ үхибүүд гээшэб!?

Намайе газаашань  табина үгыт! Би халуудааб, амаржа hуухамни, үхибүүд ошоод hуугты, шүлэгүүдээ уншажа үгэгты!

Шүлэгүүд:

Вадим:

- Сагаан Yбгэн hайн даа

  Хасуури  бэлэглээт!

Эрдэни Л.

- Булта шэмэглээбди,

  Ехэ баярлаабди!

Римма:

- Яагаа гоё хасартайб??

  Ямар улаан хамартайб?

Арюна:

- hахалынь сагаан, ута ,

 Нюдэниинь  абынхида  адли!

Лёня:

- Сайн байна Шэнэ жэл!

  Альгаа ташанабди!

  Сайн байна Сагаан Yбгэн!

  Тандаа баярлаабди!

Ева:

- Гараа шанга

  Адхалсан,

  Галта хоровод

  Хатараабди!

Даши:

- Хонгёо хоолой

  Нэгэдхэн,

  Хүхюу аялга

  Татаабди!

Валя:

- Юундэ саhан ороноб?

  Юундэ горхон хүрэбэб?

Настя:

- Yбэл ерээ!

  Саhа асараа!

Алтана:

- Юундэ хасуури  ерээб?

 Ехэ  гоёор гэрэлтээб?

Костя:

- Шэнэ жэл ерээ!

  Шэнэ баяр асараа!

Сагаан Yбгэн:

- Ай, даа үхибүүд ехэ hонин  шүлэгүүдые уншабат, hайханаар дуулабат, хүхюутэй наадабат!  hайн даа! Тандаа бэлэгүүдые  бэлдээд, хаана  орхёобиб, мартаад байнаб!?

 Минии  аша , Саһан басаган, бэдэрээд ошохо гүш? Бай, бү яара, одоо hонирхолтой нэгэ монсогор шэдитэ монсуудайтайб! Урдаа туугаад ябахадамнай, бэлэгүүдэй  байhан газар харуулха. Үшөө  хамта, үгэнүүдые хэлэхэбди! Монсуудай, монсуудаймни мухарииш! Бэлэгтэй мэшээг хаанаб, харуулыш!

Зүжэгэй хүгжэм доро монсуудай мухарина. Хасуурида асарна, сагаан бүдөөр хушаатай мэшээг дороhоонь гаргана.

 (  Сагаан Үбгэн модоор таталсана, туһална)

Сагаан Yбгэн:

- Бэлэгтэй мэшээгни  олдоо!

Эндэ байна! (бэлэгээ  харуулна, хубаана ).

- Зай, үхибүүд, гэртээ бусаха сагни дүтэлөө! Шэнэ жэлээ hайнаар угтагты! Хойто жэл дахин айлшалжа ерэхэб, бэлэг асархаб! Баяртай!

Үхибүүд:

- Сагаан Yбгэн, Саhан басаган баяртай!

Хүмүүжүүлэгшэ:

- Бэлэг асарhандатнай баярлаабди!  Баяртай!