Класстан дашкаар кичээл

Тема: «Быжыг сөс каттыжыышкыннарын катаптаары»

Кичээлдиң хевири: оюн хевирлиг

Класс: 6

Сорулгазы:

Өөредир: - быжыг сөс каттыжыышкыннарын катаптавышаан, төрээн дылынга сонуургалдыг болурунга өөредир;

Сайзырадыр: - өөренген чүүлүүн аас болгаш бижимел чугаазынга делгереңгей, утказынга дүүштүр шын ажыглап, сайгарарын сайзырадыр;

Кижизидер: - чараш чүүлге, долгандыр турар чоок кижилеринге ынак, эш-өөрүн үнелеп билиринге база төрээн черинге хумагалыг болурунга кижизидер;

Дерилгези: презентация, ноутбук, проектор.

Кичээлдиң чорудуу:

1. Организастыг кезээ.

Башкы уруглар-биле мендилежир.

- Экии уруглар! Эрткен кичээлде чүү деп тема өөренген ийик бис? Кым харыылаптарыл?

- Быжыг сөс каттыжыышкыннарын өөренген бис (бир өөеникич харыылаар)

- Эр-хейлер! Өөренген темавысты катаптап викторинага харыылаптаалыңар.

- Шупту идекпейлиг харыылаар силер.

(Өөреникчилер башкызын дыңнап орар)

2. Кол кезээ

- Чаа эгелээлиңер! Шупту экранче көөр.

-  Кижи бүрүзү айтырыгга харыылааш, тайылбырын бергеш, домак чогаадыр.

(Өөреникчи бүрүзү харыылааш, сайгаргаш домакты чогаадыр)

3. Сула шимчээшкин.

- Экранче көөр дээш карактарыңар шылай берген боор. (слайд)

- Чаа эр-хейлер. Уламчылаалыңар.

4. Түңнел кезээ.

- Кичээливис дооступ тур.

- Бөгүн чүнүң дугайында чугаалаштывыс?

- Бөгүн бис, фразеологизмнерни катаптап викторинага харыылап турдувус.(бир өөреникчи харыылаар)

- Бо кичээл кымга, кайы хире солун болду?

(Өөреникчилерни тургускаш айтырар)

- Чаа эр-хейлер!