Монь методическяй находкане
Учительсь… Эрь ломанць шарьхкодьсы тя валть эсь лацонза. Финцненди тя – ломань, кона фалу мезе бди вешенди… Тейне учительсь – творец. Мон тиса эсь урокозень кода режиссерсь анокласы спектакленц. А монь актерне – тя кельгома шабане. Минь мархтост ялгатама, синь маштыхть арьсема кода Гамлетсь, кельгома кода Джульеттась, ризнамс кода Офелиясь. Эрь шиня синь сашендыхть урокс мяль вельде.
Скачать:
| Вложение | Размер |
|---|---|
 moe_esse.docx | 15.59 КБ |
Предварительный просмотр:
«Мои методические находки».
«Монь методическяй находкане»
Учительсь… Эрь ломанць шарьхкодьсы тя валть эсь лацонза. Финцненди тя – ломань, кона фалу мезе бди вешенди… Тейне учительсь – творец. Мон тиса эсь урокозень кода режиссерсь анокласы спектакленц. А монь актерне – тя кельгома шабане. Минь мархтост ялгатама, синь маштыхть арьсема кода Гамлетсь, кельгома кода Джульеттась, ризнамс кода Офелиясь. Эрь шиня синь сашендыхть урокс мяль вельде.
Сяс тонафтомань тевозти целькс путнеса сянь, штоба учениконе шарьхкоделезь мокшень кяльть и корхтальхть вельденза. Путнян вийхть мялень салай урокнень етафтомаснонды.
Программнай материалть мяльса кирдезь, аноклан башка сценарий, а урокса старандатама ваномс сяда лама материал кона азонды республиканьконь историянц, культуранц колга.
Тонафтомать тевозень технологиясонза васенце вастсот налхксематне. Емла класснень эса – башка сюжет мархта налхксемат, оцюфнень – сяда лият, конат токсесазь эряфть.
Налхксемась тейне – тя пинге мъзярда шабатне ламоксть корхнесазь тонафнеф валхнень, конат сявфт мокшетнень афкуксонь корхтамастост.
Налхксематне лездыхть эрявикс методическяй задачатнень эряфс етафтомаснонды:
- Шабатне психологическяй ширде анокт мокшень кяльса корхнемати.
- Маштыхть аф весть повторяндамс кялень етаф материалть.
- Шабатне тонадыхть кочкамс корхтамань эрявикс материалть.
Кяльть тонафтомаса налхксемать улихть эсь функциянза:
- Тя – развлекательнай функциясь (налхксемс, кеподемс мяльть).
- Социализациянь и нациятнень еткса корхтамась лездыхть шабати сувамс обществати, шарьхкодемс культурать питнишинц.
Мялезон ся, што тяфтама тонафтомась лезды тейне касфтомс эсь асушизень, а ученикненди ули кода учительть мархта марса анокламс урокть.
Тяфтама марстонь тевонь вятемати лездыхть урокне-илатне: Од кизось, Роштувась, Калядамась, 23-це Февральсь, 8-це Мартсь, Очижись. Урокса налхксевихть илать коенза. Тяфтама праздникнень шабатне учсазь сембе кизоть.
Тонафнемок, азондомок, няфтемок мокшень кяльса эряфонь башка ширетнень, стихнень, моротнень, иттне сотцесазь мокшеэрзянь культурать. Синь лоткайхть виздема и теест кармай аф стака нолямс тевс мокшень кяльса валхнень.
Валом-валом тонадови кялень материалсь, шабась шарьхкодьсы, што машты корхтамост валхнень афкуксонь мокшень ломанькс.