Тема : Яңыса әумәләк әкиәте
Предварительный просмотр:
Тема : Яңыса әумәләк әкиәте
( Сценарий )
Тәрбиәсе:Абдуллина Н.М
Борон-борон заманда йәшәгән ти бер әбей менән бабай, бер заман бабай әбейгә:
-Әбей,әумәләк кенә бешереп бир әле тигән.
-Нимәнән бешерәйем ? Он юҡ таһа.
-Эй әбей !!! Тоҡтарҙы ҡырып ал, Келәтте һепереп ал. Он тигәнең йыйылып та китер!
-Әбей тоҡтарҙы ҡырған,келәтте һепергән-ике ус он йыйылған. Әбей ондо аҡ ҡаймаҡҡа баҫҡан,һары майҙа ҡыҙҙырған һәм тәҙрә төбөнә һыуытырға ҡуйған.
-Әбей әйҙә әумәләк һыуығансы уйнап бейеп алайыҡ –тигән бабай.
-Әйҙә һуң,-әбей м-н бабай бейеп,йырлап ебәрәләр .
-Әйт әле миңә әбей,нисек иҙән йыуалар ?
-Бына шулай,бына шулай, шулай иҙән йыуалар.
-Әйт әле миңә бабай,нисек бесән сабалар ?
-Бына шулай ,бына шулай бесән сабалар
-Әйт әле миңә әбей нисек куңел асалар?
-Бына шулай,бына шулай,шулай куңел асалар.
Уйнап-бейеп сығып китәләр.Әумәләк тәҙрә төбөндә һыуынып ята торғас, һоп итеп һикереп төшкән дә,тәгәрәп киткән.Тәҙрә төбөнән ихатаға,ихатанан болдорға,болдорҙан яланға тәгәрәп киткән дә барған ти ул. Шул ваҡыт уның ҡаршыһына ҡуян килеп сыҡҡан.
Аҡ ҡуян йомшаҡ ҡуян йырын йырлай
Ҡуян: әумәләк,мин һине ашайым.
Әумәләк: Ашама мине оҙонғолаҡ. Мин һинә йыр йырлайым.
Әумәләк йырлап ебәрә.
Әумәләк мин әумәләк
Бик тәмле йоморо икмәк
Аҡ майҙа баҫылдым
Һары майҙа ҡыҙҙырылдым
Тоҡтарҙан ҡырылдым
Келәттән һеперелдем
Бабайҙан да ҡастым
Әбейҙән дә ҡастым
Ә һинән инде ҡуян
Һә тигәнгсе ысҡынам.
Шулай тигән дә әумәләк тәгәрәп ҡасҡан да киткән
Ҡуян аптырап торған да ҡалған ти. Тәгәрләп киткән ти әумәләк,эй тәгәрәй ти урман –ҡырҙар буйлап . Ҡаршыһына буре килеп сыҡҡан ти. Башҡорт егеттәре көйөнә бейеп килеп сыға.
-Буре –Әумәләк,әумәләк мин һине ашайым – ти
Әумәләк – ашама мине һоробай,Мин һиңә йыр йырлайым.
Әумәләк мин әумәләк
Бик тәмле йомро икмәк.
Аҡ майҙа баҫылдым
Һары майҙа ҡыҙҙырылдым.
Тоҡтарҙан ҡырылдым
Келәттән һеперелдем.
Бабайҙан да ҡастым
Әбейҙән дә ҡастым
Ә һинән инде буре
Һыпыртырмын тор куреп,тигән дә Әумәләк тәгәрәп сыҡҡан да киткән. Буре аптырап торған да ҡалған. Һәм урман араһына инеп киткән.Шулай тәгәрәй ти әумәләк ялан – ҡырҙар буйлап,тәгәрәй ти.Тәгәрәп китеп барғанда айыу ҡаршы килеп сыҡҡан ти.
Айыу йырлап килеп сыға
Беҙ йыйылдыҡ уйынға
Йәшел матур яланда
Ҡуяндарҙа бар мында
Буреләр ҙә бар бында.
-Әумәләк ,әумәләк мин һине ашайым
Әумәләк:
-Ашама мине тайыштабан
Мин һиңә йыр йырлайым.
Әумәләк мин әумәләк.
Тәмле йомро икмәк
Аҡ майҙа баҫылдым
Һары майҙа ҡыҙҙырылдым
Тоҡтарҙан ҡырылдым
Келәттән һеперелдем.
Бабайҙан да ҡастым
Әбейҙән дә ҡастым
Ҡуяндан да ысҡындым
Буренән дә һыпырттым
Ә һинән дә инде айыу
Бик еңел генә тайыу.
Әумәләк шулай тип йырлаған да тәгәрәгән киткән дә барған,айыу аптырап торған да ҡалған.
Әумәләк тағы тәгәрәгән ти урмандар буйлап.
Ул шулай тәгәрәп китеп барһа ҡаршыһына төлкө килеп сыҡан ти.(Әлиләу генәйем,көйөнә бейеп сыға.
Төлкө –Оо,һаумы әумәләк,һин ҡалай йәтеш кенә! (тотоп ҡарай).
Әумәләк, Ашама мине төлкө
Мин һиңә йыр йырлайым
Әумәләк мин әумәләк.
Бик тәмле йоморо икмәк
Аҡ майҙа баҫылдым
Һары майҙа ҡыҙҙырылдым.
Тоҡтарҙан ҡырылдым
Келәттән һеперелдем
Бабайҙан да ҡастым .
Әбейҙән дә ҡастым
Ҡуяндан да ысҡындым
Буренән дә һыпырттым
Айыуҙан да тайҙым
Ә һинән инде төлкө
Ҡасып китмәу бик көлкө.
Төлкө : - Әумәләк ҡасма ,минең берҙә ашағым килмәй.Әйҙә йәнлектәрҙе саҡырып уйын ойошторайыҡ.
Әумәләк: килегеҙ барығыҙҙа ! сума өйрәк,сума ҡаҙҙы уйнайыҡ!
Йәнлектәр инә .
Кумәкләп уйын уйнайҙар.