Стихотворение "Си Инжыджышхуэ" "Мой аул Инжичишхо"

Си  Инжыджышхуэ

Беслъэныкъуэм и къуажэу, си Инжыджышхуэ,

Гъагъэ,щ1эращ1э,щ1эблэр гъэбжыф1э.

Сызыщалъхуа къуажэу, сызэрыгушхуэ,

Хэхъуэ,бзэрабзэ,хъерым дэгуф1э!

Гъатхэ щ1эращ1эм ещхьщ  уи теплъэгъуэр

Си гум ихунуи  сэ  слъэмык1ыну.

Гъащ1э гъэдахэу  къуажэ гуф1эгъуэр

Макъамэ къабзэу си гум къик1ыну.

Нэхъыжьи, нэхъыщ1и я хабзэм  тетыжхэ,

Пщ1эрэ нэмысрэ къуажэм и плъап1эр.

Гугъуехьми  гуф1эгъуэми  лъэпкъым  хуэпэжхэ,

Унэ жьэгу маф1эрщ си къуажэм и псэр.

Инжыджыпс псыхъуэрщ псэуп1эу  уи1эр,

Хьэщ1эу  къеблагъэм  къретыр къару.

Тхыдэм ещ1эжыр Хьэмид и псынащхьэр,

Зэманым ек1уу,  мэхъур жьгъыру.

Мыжей М.Г.

Инжыджышхуэ къуажэ

2014 гъэ