"Тукай әсәрләренә сәяхәт"
план-конспект занятия (старшая группа) на тему

«Тукай  әсәрләренә сәяхәт »

Экранда  авыл  күренеше.  «Тау башына салынгандыр безнең авыл» җыры яңгырый.(1 куплет)

Җәйге көн. Күл буе, камышлар, су чәчәкләре. Тирә-якта яшеллек, кошлар сайрый, чишмә, су агу куренеше, бакалар кычкыра.

1 малай (Апуш) кошлар тавышын  тыңлап, табигатькә сокланып йөри. Янында авыл малайлары.(Читек-кәләпүш,камзул кигән Апуш аларга кызып-кызып нәрсәдер сөйли, балалар көлешә.)

Алып баручы:  

Нәкъ Казанның артында-  

Әтнә, Арча ягында,

Яшәгән , ди, бер малай

Кырлай дигән авылда.

Исем-аты Габдулла

Булган икән малайның:

Үз итеп Апуш дип тә

Йөрткәннәр бу баланы.

Габдулла әкиятләр сөйләргә яраткан, ди:

Тыңлаучыларның барсын

Авызына караткан,ди.....

Апуш иптәше 1:

Габдулла әйдә,әйдә,

Күргәннәреңне сөйлә!

Апуш:

Борын-борын заманда

Яшәгән, ди бер торна...

Чын әкият сөйлим, мин-

Игътибар белән тыңла!

Барам шулай бервакыт

Базарга-Мәкәрҗәгә...

Шулчак юлда юлыктым

Сарык белән Кәҗәгә!

Кәҗәсе ябык иде,

Сарыгы арык иде.

Сарыгы капчык аскан-

Капчыгы ярык иде.

Кәҗә белән Сарык керә. Баралар, баралар....

Алып баручы :

Китте болар, бара,һаман бара, бара,-

Күренмидер күзләренә ак һәм кара.

Бара болар. Күпме баргач, Алла белә,

Юл өстендә үлгән бүре башын таба.

Курка башны кузгатырга Кәҗә-куркак,

Күптән инде куркаклыкка Сарык уртак,

Баш янында болар икәү тора куркып;

Әйтешәләр бер-берсенә:

Кәҗә: “Син тот, мин тот!”

Сарык: “Син тот,мин тот!”

Кәҗә: “Сарык абзый, син көчлерәк”

Сарык: “Син,сакалбай, гайрәтлерәк”

Алып баручы:  

Озак торгач, шунда Кәҗә белән Сарык,

Бүре башын тоталмыйча, куллар барып,

Башны икәү тотып ике колагыннан,

Юнәлделәр, капчыклары эченә салып.

Кәҗә белән Сарык бергә җырлыйлар:

Сандугачның балалары

Өздереп сайрый усакта.

Бүреләр дә качып бетте

Куркып Кәҗә-Сарыктан.

Апуш иптәше 2:

Кит аннан! Булмас, булмас.

Арттырмале шулчаклы!

Апуш иптәше 3:

Син Апуш, күзгә карап,

Күп сибәсең борчакны!

Апуш иптәше 1:

Булыр-булыр ышанам,

Бу хәл чынга охшаган!

Апуш:

Борчак сипмим, алдашмыйм-

Сүземдә юк һич ялган:

Чын әкият сөйлим,дип

Әйтеп куйдым ич алдан....

Апуш иптәше 2:

Сөйлә, син Апуш, сөйлә,

Безнең тыңлыйсы килә!

Апуш:

Борын-борын заманда

Булган икән бер малай....

Сөйләп тә тормам әле

Тавышлансагыз алай!

(Балалар шаулашалар, ризасызлык белдерәләр.)

Апуш иптәше 3:

Бетте, бетте Габдулла

Тавышланмыйбыз бүтән!

“Су анасы”ның дәвамын

Көтәбез инде күптән!

(Су янына су анасы чыгып утыра, чәчен тарый,җырлый)