Мои стихи

Басня

«Ривезь ды Псака»

Эрясть умок уж ве кудосо

Ежов Ривезь ды Псака

Кудонть ульнесь Азорозо

Эрьвантень сатнось тарка

Эрясть, а беряньстэ, советстэ

Ансяк, а вейкетьстэ важодсть

Псакась ветясь прянзо превейстэ

Ривезеськак яла каштмольсь

Азорось кольневтсь эрицянзо

Ну, яла пшкалемс тенст савкшнось

Лездамс кудо-ютконь тевтнесэ

Чеерть кундамс, саразт андомс

Псаксь парсте теель тевензэ

Кудосонть ве чеерь арась,

Ривезеськак андсь саразонзо

Ды сыньгак маштомо кармасть

Ёжовось яла верьгизгак некшниль,

Кона тукшнось чиезь саразонть марто

Ансяк стяко чельгст1 шешкиль

Азорось яла теке фатясь

Кенгелицясь ульнесь кундазь

Кундазь ды нама кардазь

Нейгак яла яки вирьга

Кудосонть эри - Псакась

Те баснянть смустезэ2, а стака

Чарькодсы сонзэ эйкакшоськак

Кенгелязь кода иля снартне

Зярдояк, а трясак прят.

1чельгст - следы.

2смусть - мораль

Басня

«Нумоло ды Сеель»

Киулосо вастовсть Нумоло ды Сеель

Кармасть прянь шнамо

Прок вирсэнть инязорт

Сеелесь корты: «Монь салмуксом истянь,

Эрьвань каршо сатнэть,

Монень сюконякшны сонсь Овтось,

Лиятнеде жо кортамскак а мезть»

Нумолось рунгонь витезь пижни:

«Кунсолок, кинь каршо вастыть:

Верьгизтнэ вакскам салавине ютыть,

Ривезесь а появакшныяк тей,

Овонтькак ламоксть тандавтния

Илязо чова пейть…»

Те шкане вирьсэнть шалт каятотсь

Прянь шныцятнеде сулейть кадовсть.

Те баснянть смустезэ истямо:

                       Прят тон кода иля шна,

                    Нумолокс чачозентень

                       Овтокс улемс пек стака.

       Стих

«Мон эрзян».

Эрзянь велесэ чачинь мон ды касан,

Тестэ ушодыя мон ким

Ёжомарязь цецяв лугава чалгсян

Конаньстэ пурнан виевчи

Шлякшнян валскень сиянь росасо

Цёковтнень морост кунсолан,

Варштак перть-пельга, теке ёвкссо,

Моданть мазычизе перькам

Олячинть саян эрзянь кельстэ

Те келесь нама пек мазый,

Тиринь раськем эрзякс корты

Монь мелем эйстэст а яви.

Эрзянь кельсэ тетяй гайгевстэ мерян,

Авай валось чевтестэ ёвтави

Эрьва ёвтнемасонть ды стихсэнть

Сонзэ сюпавчись неяви

Верде валдомты чись манейстэ

Прок бажи ёвтамс лембе вал

Арсян, што те менеленть ало

Карман мельспаросо мон свал.

«Вечкемадо»

Ули вечкема, теке моро,

Ули, прок лайшема вайгель,

Ули кецявты ойме потмо,

Ули потморгавты седей,

Ули кельмевти лембе масторт,

Ули солавты эчке эйть,

Вечкемась, мезе те истямось?

Ёвтынк монень, энялдан тенк!

 Сёксь.

Вельтявсь менелесь потмура пельтнесэ

Виртнень, паксятнень мазыйчись ёмась

Важодсь пиземесь - рудаз ульцятнесэ

А кенярдовты эйсэнь, сёксень шкась

Эрямонь сексенть чевте седеезэ,

Те шкась пек ёроков, превей

А умок ульнесь вечкема кизэзэ

Нуцьканть коряс ней - ожола килей

Ульнеть сырнень сексьтькак лиясто

Прок ойме путыть, максыть кель,

Истямо сёксесь сы иестэ,

Яви миненек паро мель.

 «ЭЙДЕ»

Умарьковось прядовсь, чизэ пейди

Куш сексесь малав уж сась,

Мастор лангс появась эйде

Сондензэ паро арась

Сельминензэ теке лёмзёрт

Ванныть мельгам тей ды тов,

Вайгелезэ лазы масторт,

Мерят сиянь горнипов

А ёвтави зняро кеняркс,

Мартонзо кандсь цёракайсь

Содан истямо валмеревкс:

«Эйдьсэ авань уцяскась»

                          «ВИШКА ЦЁРЫНЕМ».

Учинь омбоце эйдине

Арсинь, паряк сон тейтерне

Чарькодинь вайгелень коряс

Кол карми улеме цёрвсь

Пек рана кармась кортамо

Кавксо ковсо тусь якамо

А теевема тевезэ арась

Весемень коряс удалась

Каст цёрынем шумбрынекс

Виев, келей рунгинекс

Тетянь, авань нежинекс

Теветь улест мазыйнекс.

«ВЕЧКЕВИКСКЕ».

Ялаксом кудосо кеняркс

Ёвтатано поздоровт

Тейтеркинест, теке мизолкс

Вера, лемезэ путовт        

Апак фатя ютась ие

Вера ерьва мезе теи:

Кишти,  моры, корты ладс        

Весенень капши лездамс

Моненьгак яла кенярды

Озамс табуретка канды

Теке кире кевери

Чевтьстэ ПАТЯЙ тень мери

Мельспаросо ашти Коля

Вишка сазорказо ули

Анелявты1 сон аванзо             1анелявты-кольневти

Пек вечксызь кавто бабанзо

Покштязо мери «ВЕРЫНЕ»

Тетязо «ВИШКА КРОШИНЕ»

Каст, вечкевикс тякине,

Уцяскав ды шумбрыне.

«АВАНЕНЬ».

 Авай, чевте седейнем

   Эйкакш пингень ваныцям,

                  Авай, толонь валдынем

                  Кисэм пазнэнь озныця

 Тонь седеень лембинесь

   Срадсь весе эйкакштнева,

 Палы толонь валдынесь,

                 Вети пингень китнева

                 Авай, сюкпря ёвтатам

                 Каргоць чамань шлякшнемга,

                 Орминеде ванстомга,

                 Нуцькань-тякань ваномга

                 Авай, ульть свал шумбрынекс,

                 Ламо иень эрицякс,

                 Эйдень, нуцькань вастнецякс

                 Кисэст пазнэнь озныцякс.

«ТИРИНЬ ЁНКС».

Мон пек вечкса тиринь ёнксом

Тесэ пингем мон печтян

Секскак паро, лембе валсо

Сюкпря сонензэ ёвтан

Те ёнкссонть весе седе парот

Виртнень оршамост седе пижеть

Паксятне келейдеяк келейть

Тетям ды авам тесэ эрить

Эйкакшом авай, тесэ мерить

 Луга нарось чевте, прок парсей

Ведьтнеяк тесэ ванькст ды домкат

Ломантне важодицят, докат.

А умок вишка тейтерькакс

Лугава ливтнинь немилявкс

Кецязь налксесь мартом чикась

Ды вере норовжорч морась

 Шкань ютазь панжовсь лия кенкш

Пилес каятотсь авань вайгелезэ:

«Дочам, стяк школав,- чевтьстэ мерс-

кувать удыцянть, а молить тевензэ».

Школав тердимим сиянь баягинесь

Вастымизь тесэ, паро мель ломанть

Максызь монень весе сень, мезе содасть

Ды нолдымизь седе келей ки лангс

Те кись нама уж седе стакаль,

Но мон молинь и эзинь нолдтне прям

Секскак, што содынь, те кияванть

Мон эсинь школав пачкодян

  Ванна тесэ уж ламо иеть

Монськак яла эйкакшт вастнян

Ванкшнан цивтордыця сельмеваст

Эрьвантень лезкс максомс бажан

    Сюкпря теть ёвтан, тиринь школам

Тыненк сюкпря, тонавтыцят

Лиятне ладсить мазый морот,

Монь пельде, Ансяк истятт валт:

«Пермезь велем, тиринь раськем,

Ульть свал кенярксчи марто

Снартнян неемс сырнень паксят

Школам пешксе эйкакшто.

 «Кальдязь чувтыне»

Кизна, вирьга яказь

Эмежень кочказь

Мельть, арсемат токасть

Превс путомат састь

Ванна аштить чувтот:

Килейть, тумот, кальть

Видьстэ венстнизь рунгост,

Лопаст теить шалт

Мельспаросо ванан

Те артовксонть лангс

Ансяк сельмем еаявсть

Празь лепиненть лангс

Човинька ды однэ

Нусмакадсь, комась

А кенярдовты сонзэ

Перть-пельксэнь чикась

А васоло укшторкс

Нежедсь пизёлкс чувтс

Истямо уцяска

Инее пазось путсь

Истя эрси, ялгат

Ломань ютксояк

Конат верьга кандыть

Свал изниця пряст

Конат неже вешнить

Конат овсе прасть

Иля юта вакска

Ломань, виев,ён

Максык кедеть лездак

Неят зыянс понгсь

Марясы эйдинесь

Идемензэ сыть

А карми эрямо        

Кальдязь чувтынекс.

«Вечкемадо»

Ули вечкема, теке моро,

Ули, прок лайшема вайгель,

Ули кецявты ойме потмо,

Ули потмургавты седей,

Ули кельмевти лембе масторт,

Ули солавты эчке эйть,

Вечкемась, мезе те истямось?

Ёвтынк монень, энялдан тенк!

«Ода МГУ»

О, мой великий МГУ

Тобой пленен я на пять лет

Потому что с этих дней

Называюсь я – студент

Учусь здесь понимать законы,

Науки тайны постигать

От умных стал умом богаче,

От сильных силой обрастать.

В содружестве здесь мудрость, опыт

И молодости суета

В твоих стенах учиться, знаешь.?

Одна сплошная маета

То сдать зачет, а то - чертеж

Такие, друг мой, логарифмы,

Что ничего не разберешь

Добавлю матрицу для рифмы

Не нужно хвастаться умением

Что статен ты  и вырос в высоту,

Лишь студенты  наполняют содержанием

Твоих аудиторий пустоту

Клянусь тебе, мой строгий вуз

Коль я  достоин твоих стен

Забудь про первый мой конфуз

Я ж  буду  помнить СИС-а плен,

Светить везде,  светить  всегда

Нас так учат педагоги

Источник света навсегда

Любимец улиц и дороги

Да будет свет!

Да будет риск!

Таков наш лозунг,

Наш девиз.

«Наказ»