«Қаныш Сәтбаев»

Сабақтың тақырыбы: «Қаныш Сәтбаев»

Сабақтың мақсаты:

 Білімділік:

         - Ғалым, Қазақстан Ғылым Академиясының академигі , тұңғыш      президенті Қ.И. Сәтбаев туралы әңгімелесу. Қаныш Имантайұлының жасаған игі істерін зерттей, еңбектерін оқушыларға  таныстыра отырып, бағыт-бағдар беру.

Дамытушылық:

• Оқушылардың танымдық, білімділік деңгейін  көтеру, ой белсенділігін дамыту, шығармашыл ізденіске бағыттау, ізденімпаздық ой-өрісін кеңейту, сөздік қорын байыту, оқытуда ақпараттық  технологияны пайдалана отырып, ауызша сөйлеу мәдениетін дамыту.

Тәрбиелік:

• Қаныш ағаның өнегелі өмірін, еңбегін үлгі ете отырып, оқушыларды туған  халқы үшін аянбай еңбек етуге, мейірімділікке, ерлікке, елін сүюге баулу, елінің адал перзенті болуға, адамгершілік  қасиеттерге тәрбиелеу.

Сабақтың түрі: «БжС» технологиясының «Ауызша сабақ -2» картасы

Картаның мақсаты: Оқу әрекетіне жататын ойлау қабілетінің негізгі түрлерін дамыту, зерттеу түйсігін ынталандыру.

Әдісі: баяндау, сұрақ-жауап, ойтолғау, тірек-сызбалар.

Көрнекілігі: Қаныш Сәтбаевтің портреті, бейнефильм,интерактивтік тақта, күйтаспа.

Пәнаралық байланыс: математика, тарих, география, дүниетану, музыка.

Сабақтың барысы:

  І. Ұйымдастыру бөлімі:

- сәлемдесу

- сабақтың мақсатын айқындау

 ІІ. Сергіту бөлімі:

15,1,18,37,34

24,2,25,3,1,8,4

 ( қазақ тілінің әліпбиін еске түсіріп, берілген сандар бойынша  жасырынған әріптерді тауып, сабақтың тақырыбын анықтау.)  

                                         Қ  А Н Ы Ш

                                                      15,  1, 18, 37,  34

                                        С Ә Т Б А Е В

                                                   24, 2,  25, 3, 1, 8, 4.

ІІІ. Кіріспе. ( Жаңа сабақты игеру мақсатында Қаныш Сәтбаев туралы бейнетаспа.)

ІV . Мәтінмен жұмыс. ( оқушылар оқу барысында,14- кілттік сөздерді жазады, жұмыс барысында жәй ырғақты күй орындалады.)

V . Мәтіннің мазмұнын ашатын тірек сөздерді анықтау:(оқушылар өздерінің жазған он төрт тірек сөздерін тақтамен өзара тексеріп, сәйкестігін анықтап, көршісі бағалайды. Мұғалім оқушының жауабын ООМ белгілеп тұрады. )

1.  Баянауыл
2. Президент
3. Академия
4. Ғалым
5. Қағида
6. Мақсат
7. Еңбегі
8. Аты
9. Халық
10. Ер
11. Ерлік
12. Күш-жігер
13. Сарп ету
14. Тұлға

VI.Қарама-қарсы сұрақ бөлімі ( сұрақты мұғалім дайындайды, орнынан тұрған оқушы жылдам, уақытты үнемдеу мақсатында тез, дұрыс жауап беру керек. Мұғалім оқушының жауабын ООМ белгілеп тұрады.).

Қарама-қарсы сұрақтар.

1. Қаныш Сәтбаевтың туған жері? - Павлодар облысы,Баянауыл ауданы.

2. Ғалымның қағидасы қандай?- «Бейнетте - береке»

3. Ғылым Академиясының ашылған жылы?-  1946жылы  1 маусымда

4. Қаныш Имантайұлы Ғылым академиясының нешінші президенті?- Тұңғыш академигі

5. Қаныш қандай ғалым болған?- Жан-жақты ғалым болған.

6. Ер дегеніміз кім?- Халықтың тірегі,қамқоры, қорғаны.

7. Қаныш Сәтбаевтың қандай салалардан хабары болған?- Тарихтан да, әдебиеттен де, өнерден де хабары мол.

8. Қаныштың әкесінің аты қалай?- Әкесінің аты Имантай.

9. Халық мақалын айт.- «Жер елсіз болмайды, ел ерсіз болмайды»

10. Қандай гүлдер академиктің атымен аталған?- Баршынгүл және бөртегүл  .

11. Қаныш Сәтбаевтың туған жылы?- 1899 жылы  12сәуірде.

12. Жоңғар Алатауында академиктің атымен не аталған?- Мұздақ пен шың.

13. Сәтбаевтың есімін ненің тарихынан бөлуге болмайды?- Ғылым Академиясы тарихынан бөлуге болмайды.

14. Әуе кеңістігінде академиктің атымен не аталған?- Әуе кеңістігінде планета академиктің атымен аталған.

15. Ерлік кімнің ісі?- Ерлік ердің ісі.

16. Қаратауда қандай кен орын академиктің атымен аталған?- Қаратауда ванадий кен орны ғалымның атымен аталған.

17. Алға қойылған мақсатқа жету үшін не істеу керек?- Білімді білетіндерден үйрену керек.

18. Қаныш аға «ғалым»  туралы не айтқан?- «Ғалым болу үшін, ең алдымен, адам болу керек. Ғалым барлық өмірін, еңбегін өзі үшін емес, халық үшін, адамзат үшін сарп етеді» дейтін.

19. Адамды ізденіске не әкеледі?- «Білмегенін білу» адамды әрдайым ізденіске әкеледі.

20. Қаныш Сәтбаев туған халқы үшін кім?- бүкіл қазақ халқының ардақты ұлы, дарынды ғалым, қайталанбас тұлға.

21. Қаныш Имантайұлының ғылыми атағы – Академик.

22. Адамдар елі үшін не істеуге дайын?- Біреулер адал еңбегімен елінің байлығын көбейтеді.Біреулер даналығымен елінің ынтымағын біріктіреді.

VII  .Сын тұрғысынан ойлау сұрақтары ( сұрақты оқушылар өздері дайындайды, әр оқушы өзінің сұрағына жауап беретін адамды өзі таңдайды. Мұғалім оқушының жауабын ООМ белгілеп тұрады.).

VIII . Қорытынды бөлімі: «Қаныш Сәтбаев – жарық жұлдыз» тақырыбына эссе жазу.

                       Қазақтың тамырында тек болмаса,

                      Құдай бізге Қанышты  берер ме еді.

                     Кесек алтын секілді кеннен шыққан,

                    Кең дүниеге Сәтбаев келер ме еді!                    

                                                                                      М.Тазабеков